Zalaparta sortu du alderdi eta sindikatuen artean Gobernuak iragarritako "laneko baja malguen" proposamenak
Elma Saiz Inklusio, Gizarte Segurantza eta Migrazio ministroak ostegunean aurreratu zuenez, lanerako aldi baterako ezgaitasuna —laneko baja gisa ezagutzen dena— erregulatzen duen araudia aldatzeko asmoa du, kasu edo egoera konkretu batzuetan malguagoak izan daitezen, eta zenbait lanetara itzultzeko aukera emateko.
Asmo horrek, baina, alderdi batzuen kritikak ekarri ditu. EH Bilduk Kongresuan duen bozeramaile Mertxe Aizpuruak, adibidez, "astakeriatzat" jo du ministroaren asmoa. Horregatik, aurreratu du bere koalizioak ez duela asmo hori inolaz ere babestuko.
Podemoseko buru Ione Belarrak ere atsekabez hartu du berria, proposamen horrekin Gobernua eskuinera alboratzen ari dela iritzita, eta ohartarazi du gaixo dauden beharginak lanera joatea ekarriko lukeela araudi aldaketa horrek.
Lan ministro Yolanda Diazek (Sumar), bestalde, eskatu du beharginen osasuna kolokan ez jartzea. "Arrazoi bakarra dago aldi baterako ezgaitasunaren atzean: langileen osasuna babestea. Ez dago zentzuzko aukera gehiagorik. Ez malgutasuna, ezta partzialtasuna ere, osasuna ez baita arriskuan jarri behar", adierazi du.
LABek ere bere iritzia eman du, eta Saizen proposamena langileen osasun eskubidearen kontrako "saialdia" izan dela esanez.
"Patronalaren esanetara dagoen estatu gobernu bat ikusten ari gara, harrituta", nabarmendu du sindikatuak.
Mikel Torres Eusko Jaurlaritzako bigarren lehendakariorde eta Ekonomia, Lan eta Enplegu sailburuaren iritziz, ordea, laneko baja malgutzeko proposamena aukera "interesgarria" izan daiteke, betiere "segurtasun juridikoarekin" egiten bada.
CEOE Espainiako patronaleko presidente Antonio Garamendik ere positibotzat jo du proposamena.
"Gustuko dugu eredua", adierazi du, izan ere, horren iritzian, "hasiera bateko proposamena, behintzat, ez da gehiegizkoa", nahiz eta negoziazio mahaian sakonago aztertuko duten.
Zure interesekoa izan daiteke
Etxeko hegaztien konfinamendua amaitu dute hegazti gripearen egoera hobetu ondoren
Neurria 2025eko azarotik egon da indarrean, eta bertan behera geratu da basa-hegaztien kasurik ez dagoela egiaztatu ondoren eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.