Sanchezen Gobernuak banku eta energia sektoreen gaineko zergak mantenduko ditu, batzuen babesa galdu arren
Espainiako Gobernuak banku eta energia sektoreen gaineko zergak iraunkor bihurtzeko konpromisoari eutsi dio, nahiz eta enpresek gero eta gehiago presionatu eta hori egiteko babes politikoa bermatuta ez izan. Bazkide parlamentario batzuk kontrako norabidean bultzatzen ari dira.
Ezohiko eta aldi baterako zerga horiek iraunkor bihurtzea PSOEk eta Sumarrek sinatutako Gobernu akordioaren eta joan den astean Bruselara bidalitako egitasmo fiskalaren konpromisoa da, Carlos Cuerpo Ekonomia ministroak gaur gogorarazi duenez.
Azken egunotan neurri horren aurkako kritikak ugaritu dira. Hala, Josu Jon Imaz Repsoleko kontseilari delegatuak inbertsioak erretiratzeko mehatxua egin du, eta Juntsek 2025eko aurrekontuen babesa kolokan jarri du, zerga energetikoa mantentzen bada. Era berean, Imanol Pradales lehendakaria eta EAJ kritiko agertu dira zergarekin.
Yolanda Diaz presidenteorde eta Lan ministroak, aldiz, airean utzi du aurrekontuei eman beharreko babesa, pakete fiskalaren negoziazioan aurrerapausorik ematen ez bada.
Aparteko eta aldi baterako zergak
Bankuen eta energia konpainia handien gaineko zergak aparteko neurri gisa hartu ziren energia-krisiaren ondorioak arintzeko, eta, hasiera batean, bi urterako planteatu ziren, 2022rako eta 2023rako, baina gero urtebetez luzatu zituzten, 2024ra arte.
Aurten, zergarekin 2.859 milioi euro bildu dituzte; horietatik 1.695 milioi bankuei ezarritakoaren bidez eta 1.164 milioi energia konpainiei jarritakoaren bitartez.
PSOEk eta Sumarrek sinatutako inbestidura akordioak aldi baterako tasa horiek zerga iraunkor bihurtzeko konpromisoa jaso zuen, eta hori lege bidez bakarrik egin daiteke.
Prozesu hori, oraingoz, ez da hasi, eta zaila da urtea bukatu baino lehen amaitu ahal izatea —nahiz eta lege-proposamena erabili edo beste lege batean zuzenketa bat egin—; beraz, bertan behera gera ez daitezen, aldi baterako bi figura horiek beste behin luzatzea litzateke aukera, nahiz eta horrek ere Kongresuaren babesa beharko lukeen.
Zure interesekoa izan daiteke
Pradalesek aliantza politiko berri bat aldarrikatu du, Europak "benetako autonomia" izan dezan "berrindustrializazioan"
'Bilboko Adierazpena' sinatuta amaitu da 'Leaders Meeting – Fit For The Future' goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.