Eusko Jaurlaritzak 50 aurrekontu-iniziatiba proposatu dizkie oposizioko taldeei
Noël d'Anjou Ogasun eta Finantza sailburuaren arabera, Eusko Jaurlaritzak 50 bat aurrekontu-iniziatiba proposatu dizkie oposizioko hiru taldeei. Asmoa da horiekin guztiekin EAEko 2025eko aurrekontuen negoziaketak ahalbidetzea, baina ez du zehaztu ekimen horietako bakoitzak zenbateko kuantifikazio ekonomikoa izango duen.
Sailburua EH Bildurekin, PPrekin eta Sumarrekin bildu da asteazken honetan, bigarren bilera-sortan, hurbilketa bat aztertzeko, joan den astean oposizioarekin egindako lehen bileretan ez baitzen egon 2025eko aurrekontuak babesteko hurbilketarik.
Oposizioko bozeramaileekin batu ostean, sailburuak uste du "babesa lortzeko benetako borondatea" dagoela, eta hiru taldeei proposamen komun batzuk eta bakoitzarentzat espezifikoak diren beste batzuk proposatu dizkie.
20 gairen inguruan 52 ekimen proposatu dizkiote EH Bilduri: Hezkuntzaren, euskararen, Osasungintzaren, mugikortasunaren eta garraio iraunkorraren, pertsona kalteberen babesaren, industriaren eraldaketa energetikoaren, ekonomia errealaren laguntzaren eta Gazteriaren aldeko Herri Itunaren lehentasunen esparrua adosteari lotutakoak.
PPri, bere intereseko 19 gairen inguruko 51 ekimen jarri dizkiote mahai gainean: PPk eskatutakoekin batera, Osasungintza, Hezkuntza, Etxebizitza, familia, mugikortasuna eta garraio publikoa, trantsizio energetikoa, garapen ekonomikoa eta errotzea, merkataritza eta turismoa, besteak beste.
Sumarri 53 ekimen proposatu dizkiote, bere intereseko 20 gairen inguruan; talde horrek eskatutakoez gain, Jaurlaritzak hainbat arlo planteatu dizkie: digitalizazioa; lehen sektoreari, merkataritzari eta turismoari laguntzea; belaunaldien arteko elkartasuna; aukera-berdintasuna eta euskara, besteak beste.
Sailburuak ez du gehiago zehaztu nahi izan proposamen horiek ekarriko lituzketen ekimenak eta diru kopuruak.
Bileraren ostean, Pello Otxandiano EH Bilduren Legebiltzarreko bozeramaileak esan du koalizioak hurrengo bilera batean baloratuko duela Eusko Jaurlaritzaren proposamena, eta prest agertu da eztabaida fiskala aurrekontuen eztabaidatik bereizteko, "eztabaida fiskal serio bat egitearen truke".
Bestalde, Laura Garrido Popularren bozeramaileak ziurtatu du bere taldeak "negoziatzeko borondateari" eutsiko diola akordioa lortzen saiatzeko, baina ohartarazi du Jaurlaritzak bere politikak "guztiz irauli" ezean, ez dela aukerarik izango aurrekontuetan akordio bat lortzeko.
Azkenik, Jon Hernandez Sumarreko legebiltzarkideak uste du "oso,oso aukera gutxi" daudela Eusko Jaurlaritzarekin aurrekontuak babesteko akordioa lortzeko.
Sailburuak ostiralerako erantzun bat emateko eskatu die hiru taldeei, datorren astean negoziatzen jarraitzeko aukera izan dezaten, azaroaren 28an zuzenketak aurkezteko epea amaitu baino lehen.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.