Donostiako etxebizitzen prezioak goia jo du: 5.613 euro, metro karratuko
Donostiako etxebizitzaren metro koadroaren batez besteko prezioa berriro igo da aurtengo hirugarren hiruhilekoan, 5.613 eurora iritsi arte, hau da, % 1 aurreko hiruhilekoarekin alderatuta, eta % 4,6 iazko igoerarekin konparatuta. Beraz, inoizko etxebizitza garestiena dute Gipuzkoako hiriburuan.
Lurralde historiko osoan, metro karratuko prezioak ere gora egin du, baina gutxiago, % 0,5 uztailetik irailera, aurreko hiruhilekoarekin alderatuta. Urtebeteko tasak, gainera, % 2,2 egin du gora, eta 3.496 euroko batez bestekoan kokatu da. 2010etik mailak goia jo du.
Hauek dira Higiezinen Jabetzako Eragileen Gipuzkoako Elkargo Ofizialak 2024ko hirugarren hiruhilekoan etxebizitzaren merkatuari buruz egindako txostenaren ondorio nagusiak. Jose Luis Polo Elkargoko presidenteak, Luis Fabra zuzendariak eta Mikel Urkola Sabadell bankuko arduradunak aurkeztu dituzte gaur, prentsaurreko batean.
Higiezinen negozioari dagokionez, Gipuzkoan hirugarren hiruhilekoan 1.971 salerosketa izan dira —bigarren eskuko 1.760 etxe eta 211 berri—, hau da, aurreko hiru hilabeteekin alderatuta % 31,6ko igoera eta iazko aldi horretan baino % 8,5 gehiago.
Donostiako hiriburuan 489 salerosketa zenbatu ziren uztailetik irailera, hau da, % 44,7ko eta % 20,4ko igoerak izan ziren hiruhileko guztietan, hurrenez hurren, 2023ko aldi beraren aldean.
Polok eta Fabrak inflazioaren moderazioari eta interes-tasen jaitsierari egotzi diote merkatuaren susperraldia; izan ere, hirugarren hiruhilekoaren amaieran Euriborra % 2,94n kokatu zen, eta bigarren hiruhilekoaren bukaeran % 3,65ean izan zen.
Alokairu garestiena Donostian ere
Bestalde, merkatu librean etxebizitza bat alokatzeak batez beste 754,3 euro balio du hilean Euskal Autonomia Erkidegoan (EAE), baina alde handiak daude eremuen arabera; izan ere, 2.500 biztanletik beherako herrietan batez besteko errenta 606 eurokoa da, eta hiriburuetan 911,3 eurokoa.
Urteko bigarren hiruhilekoari dagokion 'Alokairu merkatuaren estatistika' txostenaren arabera (Etxebizitzaren Euskal Behatokiak argitaratu du gaur), EAEn, ekainaren 30ean, etxebizitza libreak alokatzeko 344 kontratu zeuden erregistratuta.
Etxebizitza horien % 14,1 Araban daude (11.609 fidantza). Gipuzkoan % 36,1 eta 29.711 kontratu daude, eta Bizkaian alokatutako pisuen % 49,8, hau da, 41.024 fidantza.
Bigarren hiruhilekoan eratutako kontratuen batez besteko zenbatekoa 807,2 eurokoa izan zen, hau da, 2023ko aldi berean baino % 4,6 gehiago (771,5 euro).
Hiriburuetan, Gasteizen 9.630 etxebizitza daude alokatuta, eta batez besteko errenta 713,4 eurokoa da hilean. Bilbon 15.426 alokairu-kontratu daude, eta hileko 829 euroko batez besteko errenta dute. Donostian, alokatutako etxebizitza libreak 9.461 dira, eta batez besteko prezioa 1.000 eurotik gorakoa da; zehazki, 1005,6koa.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.