Sindikatuek % 70ean kokatu dute sukaldari eta garbitzaileen grebaren jarraipena, eta Hezkuntzak, % 33an
Eusko Jaurlaritzaren Hezkuntza Sailarentzat lan egiten duten 1.000 bat sukaldari eta garbitzaileen % 70ek baino gehiagok bat egin dute euren arloan gaurko deituta zegoen lanuztearekin, LAB, ELA eta CCOO sindikatuen arabera. Aldiz, Eusko Jaurlaritzako Hezkuntza Sailak % 33,5ean kokatu du datua.
Aurreko lanuzteetan bezala, deitzaileek salatu dute Jaurlaritzak ezarritako gutxieneko zerbitzuak "gehiegizkoak" izan direla. Esan dutenez, "irizpide neurrigabeak ezarriz, kolektibo honen greba eskubidea baldintzatu nahi izan dute". "Grebek eta mobilizazioek izandako babesak argi erakusten du langileek grebetan jarraitzeko indarra daukatela edukiak lortu arte", erantsi dute zentralek.
Gaur, ehunka langilek elkarretaratzeak egin dituzte Hezkuntza Sailak EAEko hiru hiriburuetan dituen ordezkaritzen aurrean, eta biharko ere, lanuzteaz gain, Lakuaren atarian protesta dago deituta, 11:30ean.
Negoziazioa
Urtarrilaren 30eko eta 31ko greben ondoren, gaurkoa Hezkuntzako garbitzaileen eta sukaldarien hirugarren greba eguna da, lan-baldintza hobeagoen defentsan. 2009tik dute hitzarmena berritu gabe dute.
Sindikatuak ziurtatu duten Hezkuntza Sailarekin zabalik duten negoziazioan akordioa "urrun" dagoela. "Urtarrileko greben ostean negoziazio mahaiak deitu ditu Hezkuntza Sailak. Bilera hauetan, grebek behartuta zenbait eduki mahai gainean jartzen hasi da, baina grebetako aldarrikapenei erantzuten dieten proposamenak jorratzetik eta ekartzetik urrun dago", azaldu dute. Hurrengo bilera martxoaren 6an dute.
Aldarrikapenak
Besteak beste, hauek dira sindikatuen aldarrikapenak: jantokietako bazkaltiarren ratioak hobetzea eta lan-zamak arintzea eta lan-orduak murriztea garbiketan. Gainera, plantilla gaztetzeko planak eskatu dituzte, erretiroa aurreratzeko. Halaber, galdutako erosahalmena berreskuratzeko, ordezkoen lan-baldintzak hobetzeko eta euskara, berdintasun eta osasun planak garatzeko eskatu dute.
Unibertsitatez kanpoko Hezkuntza publikoan deitutako greba zikloak jarraipena izango du datorren astean. Otsailaren 26an eta 27an irakasleen txanda izango da. LABek Haurreskolak Partzuergoan lortutako akordioaren ondotik, berriz, otsailaren 12 eta 13rako aurreikusitako grebak bertan behera gelditu dira.
Zure interesekoa izan daiteke
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.