Emantzipa laguntzak jasotzeko gehieneko diru-sarrera kopurua igo du Eusko Jaurlaritzak
Eusko Jaurlaritzak aldaketa batzuk egin ditu 2025eko Emantzipa laguntza deialdian, iaz baino gazte gehiagorengana iritsi ahal izateko. 25 eta 29 urte arteko gazteek hilean 300 euroko dirulaguntza eskatu ahalko dute, bi urtez, alokairua ordaintzeko edo etxea erosteko. Laguntza eskatzeko epea apirilaren 1ean irekiko da.
Aurtengo berritasun nagusia da Eusko Jaurlaritzak igo egin duela dirulaguntza jaso ahal izateko gazte batek gehienez izan dezakeen diru-sarrera kopurua, Nerea Melgosa Gazteria, Ongizate eta Erronka Demografikoaren sailburuak gobernu bileraren osteko prentsaurrekoan azaldu duenez. Zehazki, urteko diru-sarrerak 3.000 euro eta 30.000 euro artekoak izango dira gehienez, errenta aitorpena banaka egiten dutenen kasuan. Errenta aitorpena beste inorekin batera egiten dutenek, berriz, 36.500 eurotik beherako diru sarrerak izan beharko dituzte.
Adinari dagokionez, ordea, ez da aldaketarik izan, eta 25 eta 29 urte bitarteko gazteek eskatu ahal izango dute.
"Ezin dugu onartu etxebizitza bat eskuratzea edo aukera ekonomiko on bat bilatzea oztopo gaindiezinak izatea gure gazteentzat. Konpromiso irmo eta sendoa da hori. Konpromisoa gazteekin, haien ametsekin eta aukerekin. Hala egin behar dugu eta egingo dugu" azpimarratu du Nerea Melgosa sailburuak.
2024ko Emantzipa laguntzen balantzea
Iaz Emantzipa laguntza programa abian jarri zenetik, 6.173 gaztek jaso dituzte emantzipaziorako dirulaguntzak, Eusko Jaurlaritzak zabaldutako datuen arabera.
Guztira, 8.285 eskabide aurkeztu dira, eta horietatik 6.173 onartu dira. Araban 906 laguntza eman dira; 3.193, Bizkaian eta 2074, Gipuzkoan. Eskaeren % 60 emakumeek egin dituzte, eta % 40, gizonek.
2024ko datuek erakutsi dutenez, gazte gehienek (% 73) alokairurako eskatzen dute laguntza, eta gainerako % 27ak etxebizitza erosteko.
2025eko otsailean eta martxoan, garaiz eta behar bezala ordaindu dira Emantzipa laguntzak, eta aurreko hilabeteetako ordainketa-atzerapena zuzentzea lortu da. 2024ko ekitaldian, 10.366.800 euro esleitu dira guztira. Lurraldeka: Araban 1.596.300 €, Bizkaian 5.308.800 € eta Gipuzkoan 3.461.700.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.