Bizkaiko eta Arabako Batzar Nagusiek zerga-erreforma onartu dute, EAJ, PSE-EE eta E. Podemosen botoekin
EAJk, PSE-EEk eta Elkarrekin Podemosek adostutako zerga-erreformaren foru araua onartu dute gaur, osoko bilkuran, Bizkaiko eta Arabako Batzar Nagusiek. Gipuzkoan maiatzaren 7an izango da bozketa, gaurkoan EH Bilduk proiektuari aurkeztutako osoko zuzenketa eztabaidatu behar zutelako.
Hain zuzen ere, EH Bilduren zuzenketa atzera bota dute Gipuzkoako Batzar Nagusiek. Koalizio subiranistaren batzarkideek bakarrik babestu dute testua; EAJk, PSE-EEk eta Elkarrekin Podemosek kontra bozkatu dute, eta PP abstenitu egin da.
Maddalen Iriarte EH Bilduren bozeramaileak nabarmendu duenez, foru arauaren proiektu ez da erreforma bat "diru bilketa bermatzen ez duen zuzenketa baizik". Horren aburuz, proiektuak "epe laburra" du, "ez du segurtasunik ematen", eta ez du "herri ikuspegirik". Horren aurrean, erreformaren ituna lortu duten hiru alderdiek defendatu dute errenta baxuenei mesede egingo zaiela.
Babes zabalarekin Bizkaian
Bizkaia zen erreforma aurrera ateratzeko babes nahikoa zuen lurralde bakarra (EAJk eta PSE-EEk gehiengo osoa dute), baina Elkarrekin Podemosekin egindako itunari esker, % 65eko babesarekin (51 batzarkidetatik 40k bozkatu dute alde) onartu dute.
Adostutakoaren arabera, errenta aitorpena egiteko betebeharra 20.000 eurora igoko dute, eta 20.000-30.000 euroko errenta duten 65 urtez azpiko alargunek 200 euroko kenkaria jasoko dute. Etxebizitzaren alorrean, errenta baxuak dituztenei kenkaria aplikatuko zaie alokairuagatik, aitorpena aurkezteaz salbuetsita egon arren (2.800 eurorainoko diru-itzulketa dago aurreikusita). Era berean, errenta altuenei mugatu egingo diete etxebizitzagatik kenkariak jasotzea.
Halaber, sozietateen gaineko zergan gutxieneko tasa efektiboa % 15etik % 19ra igaroko da, eta aurrezki-tarifa, % 25etik % 28ra. Familia eta lana uztartzeko neurriak txertatuko dituzte, baita seme-alabak zaindu ondoren lanera itzultzekoak ere.
Itxaso Berrojalbiz Bizkaiko Ogasun diputatuak (EAJ) nabarmendu duenez, Bizkaiak orain eta etorkizunean dituen erronkei aurre egiteko tresna da adostutako erreforma. Goyo Zurro (PSE-EE) batzarkidea ere pozik agertu da erreforma progresiboagoa lortu delako, eta EH Bildurekin eta PPrekin kritiko azaldu da euren burua akordiotik "baztertu" dutelako.
EH Bilduk eta PPk proiektuaren kontra bozkatu dute. Koalizioaren arabera, "2017an PPrekin adostutako eskuineko egitura fiskala berresten" duelako. Alderdi Popularraren aburuz, ituna "ezkerrekoa da, komunismo ukituarekin", eta, haren arabera, Bizkaiak lehiakortasuna galtzea ekarriko du.
Ifrentzuan, Eneritz de Madariaga Elkarrekin Bizkaia taldearen bozeramailearen arabera, onartutakoa "akordio ona da, zaurgarrienak babesten dituelako eta euskal gizartearen ongizatea hobetzen duelako".
Emaitza estuagoa, Araban
Araban ere aurrera atera da foru araua, aurreikusitakoa baino babes estuagoarekin (51 bototik 26). Izan ere, Jose Damian Garcia Moreno IUko batzarkideak ez du Elkarrekin Arabaren beste bi kideekin bat egin, eta erreformaren kontra bozkatu du. Horren ustez, adostutakoa "eskuinekoa eta makillaje hutsa da". David Rodriguezek (Elkarrekin Araba) aitortu du testuak ez dituela erabat asebetetzen, baina akordio "ona" dela nabarmendu du, errenta baxuenentzat onuragarria delako. "Pozik gaude, eta PP eta Vox kexu direla entzunda, are gehiago", adierazi du.
Iñaki Ruiz de Galarreta batzarkide jeltzaleak ere erreforma "errenta baxuenak dituztenen mesederako" dela uste du, eta enpresak babesteko neurriak dituela. Josu Lopez Ubiernak (PSE-EE) nabarmendu du erreformak progresitibatea duela lege, eta etxebizitza alorrean "espekulazioa zigortzen" dela.
EH Bilduk, PPk eta Voxek erreforma baztertu dute. Koalizio subiranistaren aburuz, hiruko ituna "lardaskeria itzela izan da, edukiz eta moldez". Iñaki Oyarzabal PPren batzarkideak salatu du "arabar guztiei zergak igoko" zaizkiela, eta erreforma "klase ertainen kontrakoa" dela.
Elkarrekin Arabaren babesaren truke, jeltzale eta sozialistek 22 zuzenketa partzial onartu zituzten, eta Bizkaian bezala, besteak beste, errenta aitorpena egiteko muga 20.000 eurora igo zuten, eta errenta baxuenek alokairuagatik % 35eko kenkariak izatea ahalbidetu.
Zure interesekoa izan daiteke
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.