Aldi baterako alokairuen araudi berria, uztailaren 1etik aurrera indarrean
2023ko etxebizitza legeak iraupen luzeko alokairuei jarri zizkien mugak, baina ez zituen zehaztu aldi baterako alokairuen kontratuek zer-nolako baldintzak bete behar zituzten. Denbora kontua zen, ordea, horri heltzea, eta iritsi egin da. Uztailaren 1etik aurrera, aldi baterako alokairuen lege berria sartuko da indarrean.
Alokairu mota horren eskaintza izugarri hazi da azken urtean, batez ere hiriguneetan eta eremu turistikoetan; izan ere, iraupen luzeko alokairu-kontratuekin alderatuz gero, errentagarriagoak dira. Horrek ekarri du epe luzeko alokairuen eskaintza nabarmen jaistea. Donostian, adibidez, "aldi baterako alokairua" dakarten iragarkiak online plataforma guztietan daude. Guztira, Gipuzkoako hiriburuan iragartzen diren etxebizitzen erdiak baino gehiago aldi baterako alokairukoak dira, eta horrek eragin zuzena du merkatuan.
Joera orokorra da, baina, eta arazo horren aurrean, Espainiako Gobernuak erabaki du esku hartzea eta arau-esparru berria ezartzea. Zertarako? Bada, gardentasuna aregotzeko, maizterrei babes gehiago emateko, jabe batzuek egin ohi dituzten gehiegikeriak ekiditeko eta iraupen luzeko alokairuko etxebizitzen eskaintza zabaltzeko.
Baina, zer dira aldi baterako alokairuak? Epe edo denboraldi mugatu baterako kontratuak dira, hilabete eta urtebete bitarteko iraupenekoak. Horrek bereizten ditu, hain justu, iraupen luzeko kontratuetatik. Ezin dira maizterren ohiko etxebizitzak izan, eta egiaztatu egin behar da aldi baterakoak direla. Ikasturte akademikoan dauden ikasleentzat, epe labur batez hiriz aldatu beharra izan duten langileentzat eta iraupen jakineko jarduera profesionalak egin behar dituztenentzat daude diseinatuta gisa horretako kontratuak.
Zer-nolako aldaketak ekarriko ditu lege berriak?
Egiaztatu behar da aldi baterako kontratua dela, hau da, behin-behinekotasuna frogatzeko arrazoiak (lana, ikasketak...) behar bezala argudiatu beharko dira. Era berean, maizterrak kontratua eten ahal izango du behin hilabete igarota, betiere 10 egun lehenago jakinarazten badu, eta inolako kalte-ordainik gabe, egonaldi luzeko alokairuetan gertatzen den bezala.
Kontratuen iraupenari dagokionez, berriz, ezingo da 9 hilabetetik gorakoa izan (hortik gora, ohiko etxebizitzaren alokairutzat hartuko da), eta, muga horren barruan, nahi den iraupena askatasunez hitzartu ahal izango da. Gainera, jabeak bere gain hartuko ditu etxeko konponketa txikien gastuak. Iraupen luzeko alokairuen kasuan, maizterrak egin behar izaten ditu konponketa mota horiek.
Berrikuntza digitala: leihatila bakarra
Araudi berriak beste berrikuntza bat ere ekarriko du. Etxejabeek, derrigorrez, beren aldi baterako etxebizitza errentamenduen leihatila digital bakarrean erregistratu beharko dituzte. Lehiatila bakarra horrelako etxebizitzak alokatu nahi dutenentzat izango da, hau da, zentralizatua egongo da, eta aldi baterako alokairurako eskainitako pisu guztiak kudeatuko ditu, hala nola langile eta ikasleei zuzendutakoak, turistei zuzendutakoak eta logelak. Etxebizitza guztiek erregistro-zenbakia izango dute, eta plataforma digital guztietan etxea (edo dena delakoa) datu berarekin agertu beharko da.
Neurri horrekin, agintariek gardentasun handiagoa bilatu nahi dute. Era berean, bai jabeek, bai maizterrek, segurtasun handiagoa izango dute transakzioak egiteko, eta erregistroa nahitaezkoa denez, zaildu egingo da etxebizitzak legez kanpo alokatzea. Eskakizunak ez betetzeak ondorio larriak ekarri diezazkio jabeari, zigor ekonomikoak, adibidez.
Autonomia erkidegoan aldi baterako alokairuari buruzko legerik badago, lege horrek lehentasuna izango du Espainiako Gobernuaren araudiaren aurrean.
Leire Alberdi abokatuak azaldu dizkigu lege berri honen xehetasun guztiak:
Albiste gehiago ekonomia
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.