Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Pertsona bat, lanean. Artxiboko argazkia: EFE
3.074 langabe gutxiago zenbatu ditu (% 2,84) Euskadin, 2024ko uztailarekin alderatuta. Dena dela, 104.991 langabe zenbatu dituzte uztailean enplegu-zerbitzu publikoaren bulegoetan, hau da, ekainean baino 1.600 gehiago (+ % 1,55), Espainiako Gobernuko Lan eta Gizarte Ekonomia Ministerioak eta Eusko Jaurlaritzak astelehen honetan jakitera eman dituzten datuen arabera.
Testuinguru horretan, 78.743 kontratu sinatu dira Euskal Autonomia Erkidegoan (EAE), ekainean baino % 4,9 gehiago eta 2024ko uztailean baino % 16,3 gehiago. Horietatik 18.230 mugagabeak izan dira (% 23,2). Eusko Jaurlaritzak positibotzat jo ditu datu horiek, "10 hilabetez etengabe hobetzeko joera positiboa berretsi baitute".
Arantza Martinez Tobalina Eusko Jaurlaritzako Enplegu zuzendariak azpimarratu du langabezia-datuak ekainarekin alderatuta izan duen igoera txikia ohikoa dela; izan ere, azken hiru urteetan horixe bera gertatu da.
Gainera, ostalaritzako urtaro-joeraren aldaketa nabarmendu du, udako kontratazioaren ohiko igoera ekainera aurreratu baita. Horrez gain, Enplegu zuzendariak kontratu mugagabeen kopuruen igoera nabarmendu du.
Nafarroan duela urtebete baino 801 langabe gutxiago daude. Hala ere, 312 langabe gehiago zenbatu dira uztailean, % 1,11, eta 28.540 langabe daude gaur egun.
Urteko jaitsiera % 2,73koa izan da, eta 5.474 afiliatu gehiago izan dira Gizarte Segurantzan, nahiz eta azken hilabetean 535 afiliatu gutxiago izan. Beraz, beherakada txiki hori gorabehera, Foru Komunitateko enplegu-tasak mailari eusten dio, 315.726 afiliatu zenbatuta.
Kontratazioari dagokionez, uztailean 28.856 kontratu egin dira, ekainean baino % 0,3 gehiago eta 2024ko uztailean baino % 6,8 gehiago. Uztailean 5.098 kontratu mugagabe zenbatu dira, hau da, hileko kontratazio osoaren % 17,7.
Espainiako Estatuan, oro har, langabeziak % 0,06 egin du behera uztailean, aurreko hilabetearekin alderatuta, eta % 5,71 urtearteko aldakuntzari erreparatuta. Beraz, 2.404.606 langabe daude, 2008ko ekainetik izandako kopururik txikiena.
Gizarte Segurantzak, batez beste, 4.408 kotizatzaile irabazi zituen uztailean aurreko hilaren aldean (+ % 0,02), eta sistemak maximo historiko berria lortu zuen, 21.865.503 afiliaturekin.
Ekonomiari buruzko albiste gehiago
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.