Gizakia kutsa daiteke txerri izurriaz?
Gaixotasuna Espainiako Estatuan agertu da berriro, azken kasua detektatu eta 31 urtera, baina zer ondorio ekar ditzake txerri izurria hedatzeak?
Basurde familia. Argazkia: Europa Press.
Afrikako txerri izurria agertu da berriro espainiar Estatuan, azken kasua detektatu eta 31 urtera. Astean zehar Collserolako mendilerroan (Bartzelona) detektatutako sei kasuen ostean, igande goizean beste zortzi basurde aurkitu dituzte gaixotasun horren ondorioz hilda.
Gaixotasuna oso kutsakorra den arren, gizakiok lasai egon gaitezke. Izan ere, txerri izurria gaixotasun ez-zoonosikoa da; hau da, gizakiak ezin dira kutsatu, ez kutsatutako produktuak ukituz ezta horiek jan ostean.
Zer da Afrikako txerri izurria (PPA)?
Afrikako txerri izurria gaixotasun biriko hemorragiko bat da, batez ere txerriei eta basurdeei eragiten diena. Kutsatutako animaliek jateari uzten diote, eta hiltzera eraman dezaketen sukar sintomak izaten dituzte.
Zeintzuk dira sintomak?
Orokorrean, infektatutako animaliek sukar altua, konjuntibitis zianosia belarrietan eta muturrean, gorakoak edo azal gorritua izaten dute. Hala, ez dago txertorik edo tratamendurik gaixotasun honetarako; beraz, birusak animalia hiltzea eragin dezake.
Nola kutsatu daiteke animalien artean?
Kutsatutako animalia batetik osasuntsu dagoen batera transmititu daiteke gernuaren, gorozkien edo kaparren bidez. Gainera, kutsatutako objektuak ukituz ere transmiti daiteke.
Arriskua basurdean dago, animalia sarraskijalea baita. Beraz, oso modu eraginkorrean eta azkarrean kutsa dezake animalia honek gaixotasuna.
Gizakia kutsa daiteke txerri izurriaz?
Espainiako Gobernuko Nekazaritza eta Arrantza Ministerioak ziurtatu duenez, gizakiak ezin dira kutsatu, ez kontaktuagatik, ez kutsatutako produktuak jateagatik.
Orduan, nola eragiten dio gaixotasunak gizakiari?
Inpakturik handiena ekonomikoa litzateke. Espainiar Estatua da txerriki ekoizlerik handiena Europar Batasunean eta gehien esportatzen duen herrialdeetako bat.
Gaixotasunak mugak ixtea a ekar lezake bestelako herrialdeetan, Estatutik edozein txerri produktu esportatzerakoan, eta ez soilik kaltetutako eremuetatik esportatzerakoan.
Zure interesekoa izan daiteke
Dermatosi nodularraren aurkako txertaketa Bizkaira eta Arabara zabaltzeko eskatu du berriro Jaurlaritzak
Espainiako Nekazaritza, Arrantza eta Elikadura ministroari gutuna igorri dio Amaia Barredo sailburuak. Bertan esan dionez, azken fokuaren eta EAEren arteko distantzia txikitu egin da, eta, hortaz, gaixotasuna gure lurraldean zabaltzeko arriskuak gora egin du.
Gipuzkoako zahar-etxeetako erabiltzaileen senideek grebaren ondorioak salatu dituzte
Gipuzkoako zahar-etxeetako adinekoek jasotzen duten zaintza gero eta prekarioagoa dela salatu dute adinekoen senideek. Gipuzkoako egoitza eta eguneko zentroetako langileek 110 egun daramatzate greban, hitzarmen berri baten alde.
Beste hiru greba egun deitu dituzte martxorako eskola jantokietan
Lanuzteak martxoaren 10ean, 11n eta 12an egingo dituzte, gaur egun negoziazioetan duten "blokeo" egoera dela eta.
Gipuzkoako erresidentzietako langileen itxialdia Donostiako Emakumeen Etxean
ELAk deituta, Gipuzkoako adinekoen egoitzetako ehun bat langile Donostiako Emakumeen Etxean itxialdia egiten ari dira atzotik, babes soziala lortzeko eta lan-gatazkan Gipuzkoako Foru Aldundiak "berehala esku-hartzea" eskatzeko.
Lanera ez joatea erabaki dute Petronorreko hainbat langilek bentzenoaren eraginpean ez egoteko
ELAko iturriek adierazi dutenez, nahiz eta Eusko Jaurlaritzak inguruko herritarrei prebentzio-neurriak hartzea gomendatu, enpresak ez die beharginei inolako segurtasun jarraibiderik eman. LABek, bestalde, Petronorri eskatu dio geldi dezala lantegiaren jarduna, intzidentzia konpondu bitartean.
Tubacexek % 30 murriztu ditu irabaziak 2025ean, 15,9 milioi euro irabazi baititu
Salmentak % 6,3 jaitsi dira, 719,3 milioiraino. Hala ere, enpresak esan du eutsi egin diola "merkatuaren ahultasun orokorraren inguruneak" asko markatu duen urtean, "eredu integratuan, dibertsifikazio geografikoan eta balio erantsi handiko hainbat sektore eta nitxotan duen presentzian oinarritutako estrategiari esker", horrek "muga-zergen ziurgabetasunaren inpaktua arintzen" lagundu baitu.
Tubos Reunidoseko langileak Bilbon mobilizatu dira, lan-erregulazioko espedientearen bileran batzordeari laguntzeko
Zuzendaritzak eskaintza berria aurkeztu du, langileek borondatezko bajak onar ditzaten, eta batzordeak bere jarrera berretsi du, enpresak enplegu-erregulazioko espedientea atzera bota dezan. 300 langilek baino gehiagok parte hartu dute protestan.
Bilboko Portuak 77 milioiko fakturazioa izan zuen 2025ean, % 0,3 gehiago
Ivan Jimenez Bilboko Portu Agintaritzako presidenteak jardueraren balantzea aurkeztu du ostegun honetan, eta egoera ekonomikoa onbideratutzat jo du. Horri esker, portu-tasak izoztuta mantenduko dira.
Hauek dira 'babes sozialerako' dekretua indargabetu ondoren bertan behera geratu diren neurriak
Dekretua bigarren aldiz indargabetu izanak bertan behera utzi du familia zaurgarrien etxegabetzeak etetea, baita zerga eta enpresa arloko beste neurri batzuk ere. Hauek dira babes sozialerako dekretuak jasotzen zituen neurri nagusiak.
Danobatek 500 lanpostu sortuko ditu Euskadin, eta 50 milioi inbertituko ditu "robot industrialen belaunaldi berri bat" egiteko
Helburua da Euskadin robot industrial aurreratuen belaunaldi berri bat diseinatzea eta fabrikatzea, eta teknologia estrategiko horren ildoko tokiko balio-kate sendo bat finkatzea.