Bi urteko geldialdiaren ostean, gaur itzuli dira lanera Balenciaga ontziolako beharginak
Abu Dhabi Ports Arabiako taldearen agindupean arituko da aurrerantzean Zumaiako ontziola. Abenduan itxi zuten langileek eta Arabiako taldeak salmenta. Adostutakoaren arabera, soldatak % 5 jaitsiko dizkiete, eta hiru urtez izango dituzte izoztuta.
Bi urteko geldialdiaren ostean, Balenciaga ontziolako beharginak gaur, astelehena, itzuli dira lanera. Poz aurpegiak, besarkadak eta agur beroak izan dira nagusi 06:00etan, lan txanda hastearekin bat.
Ugazaba berriarekin ekin diote jardunari, Abu Dhabi Ports arabiar taldeak iaz erosi baitzuen Zumaiako ontziola historikoa, 11,2 milioi euroren truke. Norvegiarentzat bi ontzi eraikitzen hasiko dira langileak.
Salerosketa kolokan egon zen aste batzuetan, langileek eta Arabiako taldeak soldaten inguruko akordioa itxi zuten arte. Hain justu, langileekin akordioa lortzea ezinbesteko baldintza zen ontziolaren geroa bermatzeko. Erretiroa hartzeko adinean dauden zazpi beharginak izan ezik, gainerako guztiak subrogatzea lortu zuten negoziazioan; hori bai, soldatak % 5 jaitsiko dizkiete beharginei, eta hurrengo hiru urteotan izoztuta izango dituzte.
David Tejera langileen batzordearen presidenteak (CCOO) nabarmendu duenez, jarduerari berrekitea "garrantzitsua da Zumaiarentzat eta eskualdearentzat". Iñaki Ostolaza Zumaiako alkatea ere pozik agertu da, eta zorionak eman dizkie langileei "egindako esfortzuagatik".
"Bi urtez egon da ontziola itxita. Lanera bueltatzeko eta normaltasuna berreskuratzeko irrikaz daude langileak. Denbora luzean egon dira borrokan, eta horrek nekatu egiten du. Garrantzitsua da errutinara bueltatzea, lanean egotea eta familia ekonomia bere onera etortzea", adierazi du alkateak, pozarren.
Abu Dhabi Ports Arabiar Emirerri Batuetako korporazio publikoa da, eta itsas logistika azpiegituretan mundu mailako erreferente bihurtzeko estrategiaren baitan egin du erosketa.
Zure interesekoa izan daiteke
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Medikuek gaur hasiko dute estatutu marko propio baten aldeko lehenengo greba astea
Monica Garcia Espainiako Osasun ministroak behin baino gehiagotan errefusatu du medikuentzako espresuki idatzitako arau hori sortzea.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.
Sidenor auziko epaileak "kriminalitate zantzu argiak" ikusi ditu
Enpresak Basaurin duen lantegiaren miaketarekin batera, Jainagaren eta merkataritza arloko hainbat langileren telefonoak eta posta elektronikoak kontrolatzeko baimena eman zuen epaileak, altzairuaren eroslea Israelgo arma fabrikatzaile bat zela bazekitela iritzita.
Sidenor miatzearen aurka agertu zen Fiskaltza urtarrilean, ikertuei aurretik dokumentaziorik aurkezteko eskatu gabe
Fiskaltzak ez dio legezko babesik ikusten genozidioagatiko ikerketari. Gainera, uste du ikerketa legezko babesik gabe egiten ari dela, genozidio eta gizateriaren aurkako delituei eta gatazka armatuaren kasuan babestutako pertsonen eta ondasunen aurkako delituei dagokienez.
Erakundeek Tubos Reunidoseko batzordeari jakinarazi diote zorra berregituratzea dela gakoa
Amurrioko eta Trapagarango lantegietako enpresa batzordeak Eusko Jaurlaritzako eta Arabako Foru Aldundiko arduradunekin bildu dira Lakuan. Atarian kontzentrazioa egin dute.
Kutxabankeko erabiltzaileek ezingo dute bere kutxazainetan dirurik atera eta Bizum erabili larunbat honetan
Ostiraletik larunbaterako goizaldean egingo da geldialdi teknikoa, eta 12-18 ordu iraungo du. Tarte horretan, Kutxabankeko bezeroek txartelarekin ordaindu ahalko dute, bai fisikoki eta baita aplikazioen bidez (Apple Pay, Google Pay eta Samsung Pay) ere, eta beste finantza erakundeetako kutxazainetan dirua atera ahalko dute, inolako komisiorik ordaindu gabe.
Prezioak moteldu eta sei hamarren jaitsi dira urtarrilean Euskadin
Urte arteko indizea % 2,6an kokatu da Araban eta Bizkaian, eta % 1,7an Gipuzkoan. Nafarroan, berriz, % 2,2koa izan da.