Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
Euskal Enpresaren Konfederakuntzak (Confebask) txalotu egin du EAEko Justizia Auzitegi Nagusiak ELAk eta LABek patronalaren aurka Lanbide arteko Gutxieneko Soldata (LGS) propioagatik jarritako salaketa atzera bota izana.
Ohar batean, Confebaskek azpimarratu du gutxieneko soldata ez negoziatzeko patronalak hasieratik mahai gainean jarritako argudioa ontzat eman duela Auzitegiak: "Jaurlaritzaren eskumen esklusiboa" da LGS propioa negoziatzea eta "patronalak legez ezin du" gai hori negoziatu ELA eta LAB sindikatuekin. Horrenbestez, Confebaskek bere egitekoa bete du.
Ebazpenean, EAEko Auzitegi Nagusiko Lan Arloko Salak iritzi dio patronalaren jarrera justifikatuta dagoela, gai hori ezin duelako zentralekin negoziatu.
ELAk eta LABek jada iragarri dute helegitea aurkeztuko dutela. Esan dutenez, epaiak gutxieneko soldata baten negoziazioa bermatzen du eta Confebask negoziatzera behartu beharko luke.
Gutxieneko soldata
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
Zure interesekoa izan daiteke
Nafarroako Volkswagen ID. Cross modelo elektrikoa ekoizten hasi da
ELAk lanbide arteko akordioa bilatuko du langileek lanorduetan euskara ikasi ahal dezaten
Barredok iragarri du lehorteari aurre egiteko aparteko laguntzak aurten emango dituztela, ofizioz
EAEko ekonomia % 2,3 hazi da bigarren hiruhilekoan, aurreikusitakoa baino hiru hamarren gehiago
Euroguneko inflazioa % 3,2ra igo zen abuztuan, aurreikusitakoa baino hamarren bat gutxiago
Argindarraren prezioak gora egin du iraileko lehen hamabostaldian, eta baliteke 2022tik izan den ordainagiririk altuena izatea
Euskadik 25 milioi euro inguru bideratuko ditu altzairuaren eta metalen erabilera zirkularra sustatzera
Brent upelaren prezioa apaldu egin da 108 dolarreraino
Testa funtsak 500 familia kalean utzi nahi dituela salatzeko manifestazioa deitu dute Iruñean
