Jaurlaritzak Heziberri plana aurkeztuko die gaur hezkuntza eragileei
Cristina Uriarte sailburuak Heziberri 2020 planaren behin betiko testua aurkeztu die gaur hezkuntzaren sektoreko eragileei. Lehen Hezkuntzatik Batxilergorako irizpide akademikoak ezartzen dituen dokumentua da hori.
Bilera 09:00etan hasi da, eta, bertan, Jaurlaritzak eragileen babesa lortu nahi du. Alabaina, ELA eta EILAS ez dira joan, Heziberrik LOMCEri ateak irekiko dizkiola uste baitute. LABek ere adierazi du dekretuak LOMCErekin lotura duten kontrol neurriak bereganatu egiten dituela. Hortaz, "hezkuntza burujabetzaren bidea" hartzea proposatu dio LABek Jaurlaritzari.
Gainerako eragileen artean, Kristau Eskolak babesa agertu dio Jaurlaritzari; Ikastolen Elkarteak ontzat eman du LOMCEtik urruntzeko ahalegina, baina proiektua ez dela ikastolena nabarmendu du; eta gurasoen elkarteek curriculum dekretuak ezagutu eta gero egingo dute hausnarketa.
Heziberrik ekarriko duen berritasun nagusietako bat da DBHko 4. mailako ikasleek azterketa bat egin beharko dutela ikasturtea amaitu eta gero. Ez du "errebalida" izena hartuko, LOMCEn agertzen den bezala, baina halabeharrezkoa izango da DBHko titulua lortzeko edota Batxilergoa egin ahal izateko.
Azterketa hori gainditzen ez dutenek ikastetxean bertan jarraitu ahalko dute beste urtebetez, titulua lortzeko ikastaro bereziak egiten, baina ikasturtea errepikatu barik.
Lehen Hezkuntzan ere egingo dituzte azterketak, 3. eta 6. mailak amaitu eta gero, hain zuzen ere, baina diagnosia egiteko ebaluazioak izango dira; hau da, ez dute ondorio akademikorik izango.
Bestalde, LOMCEren arabera, ikasleek 14 urterekin hautatu beharko dute Lanbide Heziketa edo Batxilergoa egin nahi duten. Heziberrik, baina, erabaki hori 16 urte izan arte atzeratzea ahalbidetuko du.
Komunikazio hizkuntzari dagokionez, behin betiko txostenak hiru ereduen sistemari eusten dio, baina A ereduan euskara indartu egingo dute. Nolanahi ere, ikastetxeek hizkuntza proiektu propioak garatu ahalko dituzte.
Erlijioa nahitaez eskaini beharko dute zentroek, baina hautazko ikasgai gisa. Alternatiba balioei buruzko ikasgai bat izango da. Biek ala biek eragina izango dute batez besteko notan.
Azkenik, Heziberrik autonomia handiagoa emango die ikastetxeei, eta Eskola Kontseiluak mantendu egingo ditu eskuduntza propioak, LOMCEk aurkakoa ezartzen badu ere.
Zure interesekoa izan daiteke
Lekuko batek Maialenen ustezko hiltzailea “noraezean zebilen” pertsona gisa deskribatu du, eta biktimari “familia bere aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. Infekzioa ontzitik kanpo dagoela uste du OMEk.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.