Baztanen izandako getxotar baten heriotza ikertzen dabiltza
Baztan Abentura Parkean ikertzen jarraitzen du Foruzaingoak, Elizondotik gertu, Nafarroan, larunbat honetan 40 urteko gizonezko bat hil ostean. 'Pendulu' izenarekin ezaguna den 100 metroko atrakzio bertikal batetik erori zen gizona, 13:00ak aldera.
Larrialdietarako zerbitzuak bertaratu ziren, baina ezin izan zuten gizona salbatu, eta bertan hil egin zen. Ezbeharraren ondorioz, abentura parkea itxi dute, eta horrela egongo da gutxienez asteburu osoan zehar.
Hildakoak 40 urte zituen, eta Getxon bizi zen. Diego Lastra deitzen zen, eta jaiotzeko konplikazioek eragindako garuneko lesio baten ondorioz, mugikortasun urria zuen. Hala ere, oso kirolzalea eta aktiboa zen, eta kirol-jarduera ugari egiten zituen: parapentea, tirolina, eskia… Gainera, Bilboko maratoi erdian ere parte hartu izandakoa zen.
Geroago, bere esperientziak partekatzen zituen blog batean. Izan ere, sare sozialak asko gustatzen zitzaizkion.
Enpresaren erantzuna
Bestalde, abentura-parkea kudeatzen duen BKZ Nafarroa Abenturak enpresak ohar bat kaleratu du, eta doluminak agertu dizkio hildakoaren familiari eta lagunei.
"Beharrezkoak diren baimenak, homologatutako materiala, segurtasun neurriak eta erantzukizun zibil eta asistentzia aseguruak ditu parkeak", esan du enpresak. "Begiraleak kirol ekintzetan titulatuak dira, goreneko mailarekin eta urte askotako esperientzia dute. BKZ sortu zenetik, duela 23 urte, mota honetako lehendabiziko gertaera izan da", gaineratu dute BKZ Nafarroa Abenturak enpresako arduradunek.
Zure interesekoa izan daiteke
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Huarteko (Nafarroa) biztanleak haserre daude Javier Aizpun parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du . Bere argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, bere hitzetan, "jatorrizko Espainia" berreskuratzeko, antzinako Hispania erromatarrari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.