Inauteri usaina eta mozorroak nonahi, Euskal Herriko kaleetan
Gaur, inauteri larunbata, herritarrek mozorroak jantziko dituzte Euskal Herriko hainbat txokotan. Jarraian, inauterien harira, Bilbon, Donostian, Gasteizen eta Iruñean prestatu duten egitaraua.
Bilbon, inauteri "parte hartzaile eta anitza" prestatu dute Udalak eta Bilboko Konpartsek. Aurten ere elkarrekin adostu dituzte "gustu eta adin guztientzat" izango diren ekitaldiak, hala nola, kontzertuak, dantza erakustaldiak, jan-edan lehiaketak, umeentzako ekintzak eta mozorroen lehiaketa.
Gaur da aratusteen egun handienetakoa Bizkaiko hiriburuan eta kontzertuak, dantza erakustaldiak, fanfarreak, buruhandiak eta mozorro lehiaketa izango dira, besteak beste. Epaimahaia plaza biribilean paratuko da, baina epaimahaiko beste kide batzuk Kale Nagusian, Moyua plazan, Astarloa, Diputazio eta Zabalgunean kokatuko dira mozorroak ikusteko eta parte-hartzaileek sortzen duten giroa hobeto baloratzeko.
Gaurkoa beldurraren eguna izango da Iruñean; izan ere, 16:30ean, "Festa Beldurgarri" bat ospatuko dute La Unica peñan, eta 18:00etan beldurrezko mozorroak protagonista izango dituen kalejira bat egingo dute.
Bestalde, Donostian, konpartsazaleek Momo jainkosa eta haren segizioa esnatu dituzte Londres hotelean, goizeresi batzuk kantatuta. Aurten, gainera, Donostiako aspaldiko inauterietako zenbait abesti berreskuratu dituzte.
17:00etan, Inauterietako lehen desfile handia abiatuko da, hiriko erdigunean.
Larunbatean bertan, Konstituzio plazan, inauteri tradizionala agertokira azalduko da: kaldereroak, Danborrada, Lanpernen Konpartsa, Lorezainen Konpartsa, ... Konstituzio plazan izango den erromeriarekin amaituko da gaua.
Gasteizen, berriz, ekitaldi ugari izango dira eguerditik hasita. Dena den, 19:00etan Legutioko Atetik abiatuko den konpartsen mozorro desfilea izango da eguneko ekimen nagusia. 23:00etan, Joselu Anaiak plaza-taldeak emanaldia eskainiko du Espainia Plazan jarritako eszenatokian. Gauerdian, berriz, sanba erritmoak eta danbor-hotsak nagusituko dira, Beriba Samba Eskolaren eskutik. Kalejira Andre Mari Zuriaren Plazan hasiko da.
Zure interesekoa izan daiteke
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.