23 ekitaldi, Bilboko Gau Zuria ospatzeko
Bilboko Gau Zuria larunbat honetan, ekainak 18an, ospatuko da eta, beste urte batez, musika, antzerkia, dantza eta umorea izango dituen programa zabala izango da.
Aste honetan hainbat ekitaldi antolatu dira Bilboren 716. urteurrena ospatzeko baina, egun garrantzitsuena larunbateko Gau Zuria izango da. Arratsaldeko 20:30etatik, goizaldeko 02:00etara, 23 ekitaldi izango dira hiriburuko hainbat tokitan.
PROGRAMA:
01 BILBAO CANTA Y SUENA
Bilboko Gau Zuria musikarekin hasiko da Zazpi kaleetan. Hiru musika taldek euskal kantuak interpretatuko dituzte.
Emanaldiak:
• 20:30-21:30: Bilboko Akordeoi Orkestra Sinfonikoa (Zuzendaria: Amagoia Loroño).
• 22:00-23:10: Bilboko Koral Elkartearen umeen abesbatza (Zuzendaria: Jose Luis Ormazabal) eta Bilboko Koraleko Euskeria abesbatza (Zuzendaria: Urko Sangroniz).
• 23:30-00:30: Iralabarriko San Antonio Abesbatza (Zuzendaria: Maite Zugazaga)
02 GAU BELTZA
Euskal Herriko pertsonai mitologikoak (Anbotoko Mari, Basajaunak, Lamiak...) Gau Zuria ospatzera etorriko dira Bilbora. Euskal Museoko Mikeldiren inguruan Baskoniako antzinako istorioak ezagutzeko aukera izango da.
Non: Euskal Museoa
Emanaldiak: 22:00; 22:45; 23:30; 00:15; 01:00.
03 HISTORIAS DE UN PUENTE
Areatzako zubian herritarrek sortutako irudiak islatuko dira. Bertaratzen direnek zubiaren diseinuan parte hartuko dute.
Non: Areatzako zubia
04 EZAGUTU BILBO!
Joko interaktibo batean, Bilboko hainbat irudi proiektatuko dira eta jokalariek, hiriburukoak ez diren irudiak seinalatu beharko dituzte. Ziur zaude Bilbo ezagutzen duzula?
Non: Erripako kaia
05 SWING, SWING, SWING
Kalean Swing dantzatzea modan dago eta horren harira, dantzatzen ikasi nahi duten guztientzat 'Swing, Swing!' ikastaro irekiak izango dira.
Non: Areatzako kioskoa
Reunion Big Band eta Swing Up taldeek eskainitako emanaldia.
06 BILBAO, HIRI BATEN SINFONIA
Kontzertua. Musika zuzenean Behotsik orkestraren eskutik (Zuzendaria: Igor Gimenez)
Non: Bilboko Udaletxea
Emanaldiak: 22:30; 23:15; 00:00; 00:45.
07 SAREAK JOSTEN
Ibaizabalen ibilbideari jarraituz, argiztatuta egongo diren lau armiarma izango dira Uribitarte pasealekuan. Armiarma-sare batekin elkarri konektatuta, adiskidetasunaren sinboloa izango da.
08 AZUL BILBAO
Ibaizabalek egiten duen ibilbidea marraztuko da 'Bilboko kolore urdinarekin'.
Non: Bizikidetza plaza
09 LUX
Abandoibarra pasealekua zentzumenen gunea izango da. Argiztapen berezia eta musika erabiliko dira ikusleen zentzumenak indartzeko.
10 ZERO GRAVITY
COT, breakdance dantza konpainiaren emanaldia.
Emanaldiak: 22:00; 23:00; 00:00; 01:00.
11 ZERO KILOMETROA. IRUDIAK
Zabalguneko plazan, herritarrek ateratako argazkiak pantaila erraldoi batean proiektatzeko aukera egongo da.
12 HIRU LEIHO
Foru Jauregian zehar ibilaldi birtuala egiteko aukera izango da. Herritarren parte hartzea sustatzen duen proiektu multimedia da.
13 ¡ENCIENDE!
Moyua plazako iturriaren inguruan argiztapen berezia izango da; Gau Zuriaren ibilbidean atsedena hartzeko gune aproposa.
Non: Moyua plaza
14 KABIAK
Arriquibar plazan hegaztien habiak ikusiko dira.
Non: Arriquibar plaza
15 ARTizarrak
Bertoko eta nazioarteko artistak batuko dituen arte eszenikoen laborategia.
Emanaldiak:
• Auditorioan: (KALAKAN + DOBET GNAHORE) 21:15; 23:30.
• Atarian: Organik Irrintzi: 20:30; 22:45. Lekord Sokak: 20:50
16 ¡A VUELTAS CON LOS HIPERREALISTAS!
Gau Zuriak pertsonai hiperrealistez osatutako antzerki ibiltaria ere izango du. Arte Ederren Museoaren inguruan ibiliko dira.
Non: Arte Ederren Museoa
17 LAINO GUZTIEN GAINETIK
Euskadi Plazan efektu berezia sortuko duten ehunka puxika ikusiko dira argiztatuta
Non: Euskadi plaza
18 LIGHTS & MUSIC
Argia eta musikarekin girotutako ekitaldi berezia izango da Iberdrola dorrearen atarian.
Non: Iberdrola Dorrea
19 DANK
DJ batek, publikoaren parte hartzearekin, atmosfera berezia sortuko du.
20 BI ORMA EHUn ARGI
EHUko ikasleek egindako plastikozko eta argizko sorkuntza. Harremanen eta kontrasteen arteko jokoa proposatzen dute.
Non: Bizkaia Aretoa (EHU)
21 UNA NOCHE DE VERANO
Shakespearen hainbat obra bertatik bertara ikusteko aukera izango da: The Tempest (Ekaitza), Hamlet, A Midsummer Night’s Dream (Udako Gau baten Ametsa) eta Romeo & Julieta.
Emanaldiak: 22:00etatik aurrera.
22 ITSASARGIAK
Abandoibarra pasealekuko farolek kolore askotako argia emango dute.
23 ¡EMOCIONA CAROLA!
Euskalduna ontziolako Carola garabiaren historia erakutsiko dute. 'Carola' izenaren jatorri bitxia antzerki bidez azalduko dute.
Non: Itsas Museoa
Emanaldiak: 22:30; 23:30; 00:30.
KALEKO ANIMAZIOA
20:30etatik aurrera 'ACTUA Produccions'-eko Erraldoiak hirian zehar ibiliko dira.
>
Zure interesekoa izan daiteke
Lehen zenbaki baskonikoa aurkitu dute Irulegin, "Abar", gaur egungo "hamar" zenbakiaren aurrekaria izan daitekeena
Aranzadi Zientzia Elkarteak egin du aurkikuntza, Irulegiko baskoien kanpamenduan (Aranguren Ibarra, Nafarroa). "Abar" inskripzioa, Irulegiko Eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Marisol Garmendia Espainiako Gobernuak EAEn duen ordezkariak eta Teresa Herraez poliziaburuak eman dituzte operazio horren xehetasunak, ostegun honetan Donostiako ertzain-etxean egindako agerraldian.
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Bilboko kontsulatuak harremanetarako bideak jarri ditu herritarren eskura
Venezuelak Bilbon duen kontsulatuak hainbat bide jarri ditu herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.