Bilbon eta Asturiasen droga saltzen zuen sare bat desegin du Poliziak
Bilbo, Gijon eta Oviedoko hainbat taberna eta lokaletan drogak saltzen zituen sare bateko hamabost kideak atxilotu ditu Espainiako Poliziak. Miaketetan, 4.416 gramo haxix eta 99 gramo kokaina, eta 6.551 euro, bost ibilgailu eta 28 telefono mugikor konfiskatu dizkiete.
Poliziaren iturriek jakitera eman dutenez, Gijongo polizia-etxe batean informazio anonimo bat jaso ostean hasi zuten ikerketa. Horrez gain, taberna batzuetan haxixa saltzen zutela salatu zuten horien inguruan bizi diren herritar batzuek.
Atxilotuek Marokon biltzen zuten droga guztia, eta hainbat ibilgailu erabiltzen zituzten Bilbora eramateko. Noizean behin, sare horretako kide batek Gijonera eramaten zuen droga, bertako hainbat taberna eta lokaletan saltzeko. Poliziaren arabera, sare horrekin lotura zuten zerbitzariek hartzen zuten ardura hori.
Ikertzaileek aste ugari eman zituzten taberna eta lokal horietan sartzen eta irteten ziren pertsonak zaintzen, baina arreta berezia jarri zieten ezer kontsumitu barik irteten ziren bezeroei.
Atxilotutako pertsonen etxebizitza eta lokaletan egin dituzten miaketetan, haxixa eta kokaina atzeman dituzte. Halaber, zehaztasun handiko baskula bat ere aurkitu dute, droga pisatzeko erabiltzen zutena. Konfiskatu dieten droga gehiena, baina, trasteleku batean aurkitu dute, bertan pilatuta zeuden gurpil batzuen artean ezkutatuta.
Taldeko buruzagiari dagokionez, aurretik ere atxilotu dute, osasun publikoaren aurkako delituak egotzita, Poliziaren arabera. Gainerako atxilotuek ere, aurrekari polizialak dituzte, baina ondasunen kontrako delituak egin dituztelako.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.