Hazte Oir elkartearen autobusak Iruñea zeharkatu du protesten artean
Protesten artean hartu dute gaur Iruñean Hazte Oir plataformaren autobus transfobikoa. Nafarroako Parlamentura heltzeko asmoarekin, Zuastiko ordainlekutik atera eta 11:00ak aldera heldu da Nafarroako hiriburura. Iruñeko Udaltzaingoak tarte batez geldiarazi du, eta plataforma ultrakatolikoaren izena eta logotipoa kendu ezean ez ziela hirian sartzen utziko esan die elkarteko kideei. Ignacio Arsuaga plataformako bozeramaileak berak estali ditu irudiok.
Hazte Oir plataformaren izena eta logotipoak estalitakoan, bere bideari ekin dio berriro autobusak, Espainiako Polizia lagun zuela. Nafarroako Parlamenturako bidean, dozenaka lagun bildu dira haren inguruan. Manifestariek, feminismoaren eta gay, lesbiana eta transexualen aldeko banderak eskuetan hartuta, "Hazte Oir, kanpora" eta "Gorrotoa ez da adierazpen askatasuna" zioten kartelak erakutsi dituzte.
Yanguas y Miranda kalea iritsi da ondoren, eta Parlamentu aurrean aparkatu ezin izan duenez (hesia jarri du Foruzaingoak), Sarasate pasealekutik jarraitu du, Nafarroako Jauregirantz. Tarte horretan, autobusak manifestari bat harrapatu du, emakumezko bat. Zauritua anbulantzian eraman dute erietxera. Harrapaketa gorabehera, autobusa ez da gelditu.
Tentsio uneak Zuastin
AP-15ean, Zuastiko ordainlekuan, abiatu du autobusak bere bidea. Debekuak saihesteko, laranjaz margotutako ibilgailuak ez du lelo transfobikorik, eta plataformaren izena eta logotipoa bakarrik jarri dizkiote (horiek ere kendu behar izan dituzte gero).
LABek, Bilgune Feministak eta E28 gay, lesbiana eta transexualen aldeko mugimenduak deituta, elkarretaratzea egin dute hainbat lagunek, eta autobusaren bidea eteten saiatu dira. Tentsio handiko uneak izan dira, eta azkenean Guardia Zibila lagun zutela atera da ordainlekutik.
Manifestariek "faxistak", "ez zarete ongietorriak" eta transfobiaren kontrako eta aniztasunaren aldeko leloak oihukatu dituzte. Ibilgailuari kolpeak eman dizkiote eta "Alde hemendik" idatzi diote.
Ignacio Arsuaga Hazte Oir plataformako bozeramaileak adierazpenak egin ditu Zuastin, eta oihu artean hartu dute bertan protesta egiten ari zirenek. Arsuagak esan duenez, Nafarroako Parlamentura joan nahi dute "genero ideologiarekin bat egiten ez dugun herritarren adierazpen-askatasun eskubidea" aldarrikatzen duen idatzia aurkeztera.
Parlamentuan ere, protesta
Hain justu, Nafarroako Parlamentutik gertu, Sarasate pasealekuan, elkarretaratzea egin dute Geroa Bai, EH Bildu, Podemos, PSN eta I-Eko ordezkariek eta herritar ugarik. Besteak beste, honakoak bildu dira Iruñean: Koldo Martinez Geroa Baiko bozeramailea, Adolfo Araiz EH Bilduko parlamentaria eta Laura Perez Nafarroako Podemoseko idazkari nagusia.
Foruzaingoak Parlamentuaren atariaren inguruan hesia paratu du, ibilgailuak bertan aparka ez dezan.
Joseba Asiron Iruñeko alkateak nabarmendu duenez, Udaltzaingoa "erne" egongo da egun osoan autobusak mezu transfobikorik zabaldu ez dezan eta araudia errespeta dezan.
"Lelo transfobikoak baditu, ez diogu hirian sartzen utziko; Iruñeko Udalak badu horretarako eskumena. Mezurik gabeko autobus laranja bada, sartu ahalko da, baina araudia betez", esan du.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.