Bizkaia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Zaindari bati eraso diote barra batekin Leioako Metro geltokian

Erasotzailea ordaindu gabe sartzen saiatu da, borroka hasi dute biek, eta, halako batean, burdin barra batekin eraso dio. Ertzaintzak atxilotu egin du lesioak eragitea leporatuta.

i.g. | eitb.eus

Azken eguneratzea

Gizonezko batek segurtasunerako zaindari bati eraso egin dio burdin barra batekin Leioako (Bizkaia) Metro geltokian, txartela ordaindu barik sartzen saiatu ostean.

Segurtasun Sailak eitb.eus-i azaldu dionaren arabera, gertaera gaur, asteartea, 08:30ean izan da aipatutako udalerri bizkaitarrean. Erasotzailea txartela ordaindu gabe sartu da geltokian, horregatik, bertan zegoen zaindari batek egindakoa leporatu dio.

Ondoren, borroka hasi dute biek eta, halako batean, erasotzaileak burdin barra batekin jo du langilea.

Gertatutakoaren berri izan ondoren, Ertzaintza hara bertaratu eta gizona atxilotu du, lesioak eragitea egotzita.

Zaindaria, bestalde, mutualitatean artatu dute.

Gizartea Ertzaintza Bizkaia Delituak Metro Bilbao Leioa

Zure interesekoa izan daiteke

Gehiago ikusi
Publizitatea
X