Udalak irailean erabakiko du Bilbon sartzeagatik ordainsaria kobratu ala ez
Alfonso Gil Bilboko Udaleko Mugikortasun zinegotziak jakinarazi duenez, udal-gobernuak irailean erabakiko du bidaiari bakarra daramaten auto pribatuei ordainsaria kobratu ala ez.
Egunero, goizeko 07:00ak eta 09:00ak bitartean, 20.000 auto inguru sartzen dira hirian, horietako % 80 bidaiari bakarrarekin.
Irailean neurri hori ezartzea erabakiko balute ere, ez lukete berehala indarrean jarriko.
Gilek azpimarratu du neurri horren helburua Bilbora autoz etortzen diren herritarrak garraio publikoa erabiltzera bultzatzea dela, "eta ez dirua biltzea".
Horrez gain, zinegotziak gogoratu du mugikortasunari lotutako plan oso bat lantzen ari direla eta hirian sartzeagatik ordainsaria kobratzearena neurri bat baino ez dela.
Egitasmoak 51 neurri biltzen ditu eta guztiak eztabaidatzen ari dira udal-talde ezberdinen artean. Beraz, behin betiko neurririk ez dagoela nabarmendu du.
Hiriko kaleetan 30 kilometro orduko abiadura muga ezartzea ere aztertzen ari dira. Kasu honetan alderdi guztiak ados daudela iragarri du eta 2018ko urtarrilean indarrean egongo denaren itxaropena agertu du.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.