Martxan jartzeko baimena eman diote Hazte Oir taldeko autobus transfoboari
Madrilgo Probintzia Auzitegiak ez du delitu zantzurik aurkitu Hazte Oir erakunde ultrakatolikoaren autobus transfoboan. Arrazoi horregatik, kautelazko neurri gisa ezarri zion zirkulatzeko debekua kentzea erabaki du. Chrysallisek adingabe transexualen errealitatea normalizatzeko kanpainari erantzunez, plataforma ultrakontserbadoreak autobus hori martxan jartzea erabaki zuen.
Alabaina, handik egun batzuetara zirkulatzeko debekua ezarri zion epaile batek, eta Madrilgo Udaltzaingoak autobus transfoboa geldiarazi zuen. Madrilgo kaleetan ondorengo mezua zabaldu zuten: "Mutilek zakila dute. Neskek, alua. Ez zaitzatela engaina!".
2017ko uztailaren 14an sinatutako auto horretan, erakunde ultrakatolikoak jarritako helegitea onartu dute epaileek. Ildo horretatik, autobusean zabaldutako mezuak “desatseginak eta oldarkorrak izan daitezkeen arren, ez da delitu zantzurik ageri”.
Madrilgo Probintzia Auzitegiko epaileen esanetan, “mutilek sakila dute eta neskek alua” esateak ez du “adingabeen kontrako erasoa” suposatzen. Gauzak horrela, “arauak errespetatzen dituen erakunde batek” gurasoei gisa horretako mezuak eman dakiokeela azpimarratu du autoak.
“Norbaiti edo zenbaiti gogaigarriak iruditzen zaizkien ideiak zapaltzea ez da demokratikoa. Botere politikoa erabilita garai bateko teokrazia ‘ideokrazia’ berriarekin ordezkatzea suposatuko luke horrek”.
Epaileen esanetan, gorroto delituak ez du inolako loturarik ideologia jakin bat izan eta horrekin bat datozen mezuak zabaltzearekin. Hala, oinarrizko eskubideak eta askatasun politikoak kontuan hartuta ere, Konstituzioak ez dituela muturreko indar politikoekin bat datozen ideologiak debekatzen nabarmendu dute autoan.
Arrazoi horregatik, Hazte Oir erakundeko autobus transfoboari kautelazko neurri gisa ezarri zioten zirkulatzeko debekua kentzea erabaki du Madrilgo Probintzia Auzitegiak. Halaber, kaleetan zabaldutako mezuetan ez dutela delitu zantzurik aurkitu nabarmendu dute.
Jurisprudentzia
Madrilgo Probintzia Auzitegiko epaileek beste kasu batzuk aipatu dituzte adibide gisa; Guillermo Zapata zinegotziak Twitterren zabaldutako mezuak edota "Gora Alka-ETA" lelodun kartel bat erakutsi zuten bi txotxongilo ikuskizuna. Kasu horietan, zenbait pertsona mindu dezaketen arren arduradunak ez dituztela zigortu azpimarratu dute autoan.
Era berean, Podemos alderdi politikoak duela hilabete batzuk martxan jarritako Tramabus izeneko autobusaren kasua aipatu dute. Ustelkeria politikoa salatzeko asmoz, politikari, enpresari ekonomiko eta kazetari batzuk aipatu zituzten. Epaileen esanetan, pertsona horiek guztiek ere haien duintasuna errespetatzeko eskubidea dute, eta beti errugabetasun presuntzioa nagusitu behar dela azaldu dute. Alabaina, inork ez zuela autobus horren zirkulazioa debekatu nabarmendu dute epaileek.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.