Donostiak Toledoko Artzapezpikutzaren bi etxebizitza turistiko itxi ditu
Donostiako Udalak Toledoko Artzapezpikutzak hirian zituen bi etxebizitza turistiko ixteko agindua eman du; izan ere, ez zuten horrelako pisuen udal-araudia betetzen.
Udal-iturriak eta Ricardo Burutaran EH Bilduko zinegotziak baieztatu dutenez, bi etxebizitzak Txurruka kalean daude, hiriko erdigunean. Arau bat urratzen dute, alegia, pisu turistikoak ezin direla eraikinetako lehen solairutik gora egon zehazten duen araua.
'Biek urratzen dute udal-araua, lehen solairutik gora baitaude', esan du Burutaranek.
Hain zuzen, bi etxebizitzak eraikineko seigarren solairuan daude, EFEri udal-iturriek baieztatu diotenez.
Espedientea maiatzean ireki zuten; Artzapezpikutzak alegazioak aurkeztu zituen uztailaren 10ean, eta, horiek aztertuta, Enrique Ramos Hirigintza zinegotziak abuztuaren 8an sinatu zituen bi itxiera-aginduak, xede izanik jarduera turistikoa etetea bi etxebizitxetan.
Toledoko Artzapezpikutzaren bi etxebizitza hauek Donostiako erdigunean daude, hau da, hiriko gune garestienetako batean.
Alegazioetan, Artzapezpikutzak dio bi etxebizitzak zuzen daudela erregistratuta Eusko Jaurlaritzaren establezimendu turistiko moduan.
EH Bilduk kexa adierazi du: aukera dago ordenantza berriak baimena emateko etxebizitza turistikoak lehen solairutik gora koka daitezen
EH Bilduko zinegotziak Donostiako etxebizitza turistikoak arautuko dituen ordenantza berriaz hitz egin du; ohartarazi duenez, 'akats larria' litzateke kentzea, auzo batzuetan, horrelako pisuak lehen solairutik gora egoteko debekua ezartzen duen araua.
Neurri horrek egingo lukeen bakarra izango litzateke, Burutaranen esanetan, etxebizitza turistikoen arazoa hiriko beste gune batzuetara eramatea; halaber, 'praktika txarrak kontrolatzeko baliabide on bat' deuseztatuko luke.
EH Bilduk gogorarazi du badagoela horrelako etxebizitzak arautzeko araudi bat; hala ere, esan dutenez, Udalak ia-ia ez du ezer egin.
Dena den, koalizioak uste du ondo dagoela beste ordenantza bat izatea, beti ere sektorea 'arautzeko', ez 'liberalitzatzeko'; EH Bilduk uste du azken hori dela EAJ eta PSEk osatzen duten udal-gobernuaren asmoa.
Zure interesekoa izan daiteke
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
"Euskararen aurkako oldarraldian" ausardia eskatu diote EAJ eta EH Bildu alderdiei ELAk eta LABek
Bilbon egin ditu adierazpenok, "euskaraz bizi eta lan egiteko eskubidearen alde" ELA, LAB eta Steilas sindikatuek deitutako manifestazioaren atarian.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.