Stock Euskadi azoka BECera helduko da berriro ere % 80rainoko beherapenekin
Bilbao Exhibition Centre (BEC) Euskadiko outlet handiena bilakatuko da asteburu honetan, Stock Euskadi azokarekin. Azaroaren 3tik 5era egingo da, BECeko 1. pabiloian, 12.500 metro karratu hartuko dituen ekimena.
Azokak moda, osagai, bitxi, kirol, kosmetika, etxe eta aisiako lehen marketan % 80rainoko beherapenak eskainiko dituzten 150 erakusle baino gehiago elkartuko ditu 200 stand baino gehiagotan.
Stock Euskadiren XIII. edizio honek aplikazio propioa estreinatuko du, denbora errealean erakusle guztiei buruzko informazioa emateko, erosketak errazteko eta erabiltzaileen artean zozketak egiteko, besteak beste.
Guztira 12.500 metro karratu hartuko ditu, eta 14 urterainoko umeentzako hainbat jarduera dituen ludoteka eta parke gisa girotutako gunea izango ditu. 'Food truck' bitxiak ere egongo dira, indarrak berreskuratzeko eta hainbat herrialdetako janaria dastatzeko.
11:00etatik 21:00etara egongo dira zabalik ateak, eta sarrerak 2 euroan egongo dira salgai (14 urtetik beherako haurrentzat, doan).
Beherapenak eta zozketak
Calvin Klein, Vans, Adidas, Lois, Carrera, Diesel, Carhartt, New Balance, Billabong, Quicksilver, Geographical Norway eta beste hainbat marka izango dira bertan aukeran, eta % 80rainoko beherapenak eskainiko dituzte azokan.
Halaber, eskudirua zozkatuko dute bertara joaten diren guztien artean. Egunean 200 euroko bost zozketa egingo dira, eta, beraz, guztira 3.000 euro banatuko dituzte azokak ateak zabalik izango dituen hiru egunetan. Adi egoteak eta parte hartzeak abantailak izango ditu, sare sozialetan azokari buruzko aipamenak egiten dituztenak asteburu osoan zehar egingo diren opari-baleen eta eskudiru sarien zozketan sartuko baitira.
2008tik egiten da Stock Azoka BECen. Azken edizioa martxoan egin zen, eta 35.188 pertsona bildu ziren, 151 saltokik parte hartu zuten, eta 110.000 operazio egin ziren bertan. Stock Euskadi azken azoka horretan, batez beste hiru erosketa egin zituzten bertara joan ziren bisitariek.
Stock Euskadiren hamahirugarren edizio honetan, Garate Enea 3.000 euroko dohaintza jaso eta azoka jendetsu honetan stand bat doan erabiltzeko aukera izan duten elkarteen zerrendan sartuko da. Minbiziaren aurkako Espainiako Elkartearen Bizkaiko Ordezkaritza, Unicef Euskadi, Caritas Bizkaia, Gorabide eta Adembi dira besteak.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".