Elurrak ez du eragozpenik eragin errepide sare nagusian
Elur denboralea ez da eragozpenik eragiten ari gaur, asteartea, euskal errepide sarean. Salbuespen bakarrak: AP-68a, Altuben, Barazar mendatea Bizkaian (N-240) eta Etzegarate (N-1), horietan arretaz gidatzeko eskatu baitute.
Euskal Autonomia Erkidegoko (EAE) bigarren mailako errepideei dagokienez, sei mendate daude itxita edonolako ibilgailuentzat: Herrera (Araba), Artikutza (Gipuzkoa), Kurtzeta (Araba), Opakua (Araba), Urduña (Araba) eta Zaldiaran (Araba).
Kamioiek galarazita dute gidatzea Altuben (Araba), Barrerillan (Araba) -autoen kateak behar dituzte-, Bernedon (Araba) -autoak bai, baina kateekin- eta Udana (Gipuzkoa).
Dimako (Bizkaia) mendatean, kateak behar dituzte gidatzeko ibilgailu mota orok, eta Azazetan kamioiek kateak behar dituzte bertatik igarotzeko.
Nafarroako errepideei dagokienez, sare nagusia zabalik dago.
Nafarroako Gobernuak webgunean zabaldutako informazioaren arabera, arazoak bigarren mailako errepideetara mugatzen dira. Zehatz-mehatz esanda, ibilgailuek kateak behar dituzte NA-137 Burgi-Izaba errepidean 33. kilometrotik aurrera eta 47. kilometrotik aurrera itxita dago. Halaber, itxita daude Aralarko San Migelera doan NA-7510 errepidea, Otsagabia eta Irati arteko NA-2012 errepidea eta Zaraitzu eta Larraineko mendatea lotzen dituen NA-2011 errepidea, 7. kilometrotik aurrera.
Bestalde, Iruñeko Udaltzaingoak hirian barrena arretaz gidatzea gomendatzen du.
Zure interesekoa izan daiteke
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetako kontzertuak bertan behera hiru egunetan: abuztuaren 5ean Gasteizen, 14an Donostian eta 26an Bilbon
Kontzertuak bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.