22 unibertsitate-titulazio dual izango dira Euskadin datorren ikasturtean
EAEko unibertsitateek 22 titulazio dual eskainiko dituzte 2018-2019 ikasturtean. EHUko, Mondragon Unibertsitateko eta Deustuko unibertsitatean eskainiko dituzte 15 gradu eta 7 master. Ikasleek enpresetan ordaindutako praktikak egingo dituzte unibertsitatean ikasten duten bitartean.
Guztira, 371 plaza izango dira ikasketa mota honetan, Cristina Uriarte Hezkuntza sailburuak eta Eva Ferreira Unibasq – Euskal Unibertsitate Sistemaren Kalitate Agentziako zuzendariak prentsaurrekoan azaldu dutenez.
Mondragon Unibertsitatean hamar gradu eta bost master eskainiko dituzte, 157 ikasleri. Ingeniaritza ikasketekin zerikusia dutenak dira gehien bat, baina, esaterako, Enpresa-zuzendaritza, Teknologia Biomedikoak eta Produktu eta Zerbitzuen Diseinu Estrategikoarekin zerikusia duten titulazioak ere eskainiko dira.
EHUn, berriz, lau gradu eta bi master eskainiko dituzte, 157 ikasleri. Automobilgintzaren Ingeniaritzako graduan edo Prozesu eta Produktuen Berrikuntzaren Ingeniaritzako graduan, zein Multimedia Kazetaritza Unibertsitate masterrean eta Sistema Txertatuen Ingeniaritza masterrean eskainiko dute titulazio duala.
Bestalde, Deustuko Unibertsitatean Lan harremanetako graduan eskainiko dute, hamar ikasleri.
Orain arte irakatsitako titulazioak dira horiek guztiak. Unibasqek titulaziok dual moduan ezartzeko beharrizanak aztertu ondoren, unibertsitateek modalitate horretan eskaini nahi zituzten titulazioak aztertzeko prozesua abian jarri zuen.
Eskari guztiak aztertu ostean, "hezkuntza dual zigilua" 22titulaziori eman die. Era berean, Unibasq beste 6 titulazio aztertzen ari da, baten bat kanpoan gelditu baita, Ferreirak azaldu duenez.
Hezkuntza dualak enpresak ordaindutako gutxieneko praktiketarako epeak ezartzen ditu. Graduen kasuan, epe hori gutxienez urtebetekoa izango da; eta masterren kasuan, berriz, lauhilabetekoa. Ikasleek, gainera, tutore bat izango dute enpresan.
Sailburuaren hitzetan, helburu bikoitza dauka hezkuntza dualak: alde batetik, ezagutza sortzea eta transferitzea eta, horretarako, bikaintasun zientifikoa eta enpresa eremuko aplikazioa lortzea; eta bestetik, gaitasun handiak eta enpresa eremuaren beharrei aplikatutako eta egokitutako osagaia dituen giza kapitala sortzea.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.