'La Manada' taldea aske uzteko erabakia errefusatu dute erakundeek eta alderdiek
Nafarroako Auzitegiak behin-behinean eta bermepean aske utzi ditu 'La Manada' taldeko bost zigortuak. Erabakiaren aurrean helegitea aurkeztuko duela iragarri du Nafarroako Gobernuak. Auzian herri-akusazioa da Foru Exekutiboa.
Maria Solana Nafarroako Gobernuaren bozeramaileak adierazi duenez, Exekutiboa helegitea aurkezteko lanean ari da jadanik. “Askatasun eskakizunaren aurka agertu ziren gure zerbitzu juridikoak, delituaren larritasunagatik”, gogorarazi du.
Zigortuak espetxetik atera ahal izatea “oso larria” dela ziurtatu du gaur Joseba Asiron Iruñeko alkateak. Hala ere, “herritarrek neurria emango dute”, azpimarratu du.
Biktimari “hurbiltasuna” adierazi dio Asironek. “Sexu-eraso oso larri baten biktima izan dela beti defendatu izan dugu guk”, gogorarazi du.
Erabaki “amorragarria” dela esan du Laura Berro Iruñeko Udalaren Berdintasun eta LGTBI zinegotziak. “Justizia patriarkala” salatu du zinegotziak Twitter sare sozialean, “erasotzaileak defendatzen dituelako, biktimak ordez”. “Amorragarria da, indarkeria da. Hori bai: ez gara geldirik eta isilik geratuko”, azpimarratu du.
Nafarroako Lurralde-auzitegiaren erabakia “gizartearen iritziaren antipodetan dago”, adierazi du Josu Erkoreka Eusko Jaurlaritzako bozeramaileak. “Ebazpen hau, beste behin ere, gizarteko gehiengoaren iritziaren antipodetan dago, azken urteetan emakumeen aurkako indarkeriaren gaitzespenean izugarri aurrera egin dugulako; gizarteak mota honetako ebazpen bat ez du ulertuko”, nabarmendu du Erkoreka kazetarien aurrean, Bilbon.
Nafarroako Lurralde-auzitegiak hartutako erabakiaren berri izan ondoren, “emakumeen berdintasuna eta segurtasuna lortzeko” lanean jarraitzeko konpromisoa berretsi du Espainiako Gobernuak. Exekutiboko bozeramaile batek gogorarazi duenez, Gobernuak “ezin ditu erabaki judizialak oztopatu”, baina “frogatutako gertakariak oso larriak dira”.
Bakartxo Ruiz EH Bilduko parlamentariaren hitzetan, zigortuak bermepean aske uztea “sinesgaitza, haserregarria eta iraingarria” da.
“'La Manada' taldeko bost kideak behin-behinean aske uztea ulergaitza eta lotsagarria da”, kritikatu du Geroa Baik. “Nahiz eta epaiak gertakariak sexu-eraso bezala ez aitortu, gertatutakoa ikaragarria eta oso larria da, ondorioz, ezin dugu zigortuak aske uztea inola ere ez ulertu”, esan du koalizioak agiri batean.
Podemosek kritikatu duenez, “justiziaren joera matxistak emakumeak kolpatu ditu berriro”. “Auzietan azkartasun handiagoa, biktimen babes handiagoa eta sexu indarkeria epaitzeko epaitegi bereziak”, eskatu ditu alderdi moreak, “horrelakoak berriz ez gertatzeko”.
Maria Chivite PSNko idazkari nagusiaren ahotan, erabakia “albiste txarra da, eta gizarteak ez du ulertuko”.
Erabakiaren aurrean “erabateko amorrua” azaldu du Nafarroako Izquierda Unidak. Zentzu horretan, “genero indarkeriaren adierazpen guztiak arbuiatzeko, emakumeek eta Nafarroako gizarteak kaleak hartuko dituzte”, adierazi du IUNk.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.