'La Manada' taldeko bost kide zigortuek Sevillako epaitegian sinatu dute dagoeneko
Alfonso Jesus Cabezuelo izan da gaur Sevillako epaitegietan agerraldia egin duen 'La Manada' taldeko aurreneko kidea. Nafarroako Lurralde Auzitegiak ezarritako kautelazko neurrietako bat bete du horrela, iragan ostiralean kartzelatik fidantzapean atera ondoren.
Gaztea 09:00ak aldera sartu da eraikin judizialean, eta hamar bat minutu egon da barruan, kanpoaldean hainbat kazetari zain zituela.
Epaitegian agerraldia egin ondoren, alboko aparkalekuan motorrean zain zuen lagun batek hartu du, eta alde egin dute.
Jose Angel Prenda 11:00ak aldera agertu da Sevillako epaitegian, Cabezuelok gauza bera egin baino bi ordu geroago. Bigarren zigortua bakarrik heldu da epaitegira.
Sevillako gazteak bost minutu eskas eman ditu epaitegi barruan. Atera denean, beste gazte bat zuen zain, motorrean, eta berehala joan dira.
Epaitegitik ateratakoan, Prendak ez du adierazpenik egin izan nahi, eta mespretxuzko keinuak eskaini besterik ez du egin.
Jose Angel Prenda, 'La Manada' taldeko kide zigortuetako bat, Sevillako epaitegian. Argazkia: EFE
Angel Boza hirugarrena izan da epaitegira heltzen, Cabezuelo eta Prendaren atzetik. Boza 11:30ean iritsi da bertara, eta ez du adierazpenik egin nahi izan.
Angel Boza, 'La Manada' taldeko kide zigortuetako bat, Sevillako epaitegian. Argazkia: EFE
Antonio Manuel Guerrero guardia zibila 12:30ean azaldu da, Boza baino ordu erdi geroago. Gainerako kideak ez bezala, Guerrero autoan heldu da, baina honek ere ez du adierazpenik egin kazetarien aurrean.
Gaztea, eguzkitako betaurrekoak, polo zuri bat eta praka motz urdinak jantzita zituela sartu da epaitegira. Sinatu ondoren, autora joan da, oinez, ibilgailu barruan pertsona bat zain baitzuen.
Sinatzen azkena Jesus Escudero izan da. 12:45ean heldu da, eta bost minutu geroago alde egin du motorrean.
6.000 euroko fidantza ordainduta, kartzelatik ateratzeko aukera eman zien Nafarroako Lurralde Auzitegiak. Auziko alde guztiek helegiteak jarri zituzten epai horren aurrean, eta, horiek ebatzi bitartean, aske uzteko erabakia hartu zuen Auzitegiak. Bederatzi urteko espetxe-zigorra ezarri zien epaimahaiak 18 urteko emakume bati sexu-abusuak egiteagatik.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.