Halloweenerako haurrentzako mozorro batzuen salmenta eten dute Euskadin
Halloween festarako haurrentzako mozorro batzuk merkatutik kendu ditu Kontsumobidek, Kontsumoaren Euskal Institutuak, araudia betetzen ez dutelakoan. Zehazki, estutu daitezkeen kordoi eta soketan dago arazoa, izan ere, ez dute haurren arropen segurtasun-araudia betetzen.
Nora Abete Kontsumobideko zuzendariak azaldu duenez, azken hilabeteotan bederatzi ikuskaritza egin dituzte genero hori saltzen duten saltokietan. Gauzak horrela, haurren arropei dagokien segurtasun-araudia betetzen ez duten produktuak geldiarazi dituzte.
Ildo horretatik, mozorroa erosteko orduan segurtasuna nagusitu behar dela azpimarratu du Abetek. Halaber, konfiantzazko saltoki eta webguneak bilatu eta segurtasuneko jarraibideak eta etiketak irakurri behar direla nabarmendu du. Kontsumobideko zuzendariak esan duenez, mozorroek CE marka izan behar dute.
Haurren mozorroei dagokienez, araudiak jostailutzat hartzen ditu, eta segurtasun-eskakizun zorrotzagoak bete behar dituzte. Kontsumobidek azaldu duenez, mozorro horiek ezin dituzte punta edo ertz zorrotzik izan, ez eta eror daitekeen edo adingabeek irentsi dezaketen pieza txikirik ere. Maskaren kasuan, umeek arnasketa-arazorik ez izateko nahikoa zulo izan behar dituzte.
Halloween jaia antolatuko duten sei lokal ikuskatu dituzte
Halloween gauean jaiak antolatuko dituzten sei lokaletan ohiko ikuskapenak egin ditu Ertzaintzaren Joko eta Ikuskizun Unitateak. 700 pertsona baino gehiago hartu ditzaketen establezimenduak dira horiek. Eusko Jaurlaritzako Segurtasun Sailak jakitera eman duenez, urriaren 31ko gauean egingo duten ikuskapenarekin osatuko dute aste honetako lana.
Halloween gauera begira, ekimenak antolatu dituzten edukiera handiko sei diskoteka daude Euskadin: lau Bizkaian, bat Araban eta beste bat Gipuzkoan. Miaketa horrekin, segurtasun-neurri guztiak betetzen dituztela egiaztatu nahi izan du Ertzaintzak.
Besteak beste, ebakuazio-bideak behar bezala seinaleztatuta daudela eta ondo dabiltzatela egiaztatu dute. Era berean, suteen kontra babesteko bitartekoak, horien kokalekuak eta seinaleztapen egokia ikuskatu dute.
Bestalde, une horretara arte saldutako sarrera kopurua kontrolatu dute, baita jai ezagun horretarako aurreikusten den asistentzia eta sarrera eta edukiera kontrolatzeko erabiliko diren bitartekoak ere.
Urriaren 31n, bereziki kontrolatuko da edukieraren mugak errespetatzen direla eta ebakuazio-bideak arazorik gabe erabili daitezkeela.
Zure interesekoa izan daiteke
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.