'La Manada' taldeko bost kideek aske jarraituko dute
"La Manada" taldeko bost kideek aske jarraituko dute behin-behinean, Nafarroako Auzitegiak akusazioek aurkeztutako helegiteak atzera bota ostean. Nafarroako Auzitegiak 9 urteko kartzela-zigorra ezarri zien 2016ko sanferminetako talde bortxaketaren bost egileei, sexu-abusuen delituagatik.
Akusazio partikularrak eta herri-akusazio gisa aritu diren Iruñeko Udalak eta Nafarroako Gobernuak erregu-errekurtsoak aurkeztu zituzten, urtarrilean Nafarroako Auzitegiak "La Manada"ko bost kideak ez espetxeratzea erabaki ostean. Fiskaltzak bat egin zuen akusazioekin.
Nafarroako Auzitegiko Bigarren Aretoa, beste behin, zatituta agertu da. Hiru magistratuetako bik babestu dute bost kondenatuek aske jarraitzea eta besteak, ostera, espetxeratzea eskatu du. Autoa sinatzen duten Ricardo Gonzalez eta Raquel Fernandino magistratuen esanetan, ez dago bost gazte sevillarrek ihes egiteko arriskurik, ezta delitua berriro egiteko arriskurik ere.
Francisco Cobo magistratuak, Bigarren Aretoko presidente ere badenak, berriz, boto partikularra eman du. Erregu-errekurtsoarekin bat eginez, bost kondenatuak bermerik gabe espetxera sartzea defendatu du. Coboren iritziz, Nafarroako Auzitegiak epaia berretsi izanak areagotu egiten du ihes egiteko arriskua. Bost gazte sevillarrak espetxean egon ziren 2016ko uztailaren 9tik 2018ko ekainaren 22ra bitartean, eta geroztik, behin-behinean, aske daude.
Azaroan, Nafarroako Justizia Auzitegi Nagusiak berretsi zuen "La Manada" auziko epaia, hots, Nafarroako Lurralde Auzitegiak bost gazte sevillarrei nagusikeriaz egindako sexu-abusu jarraituen delituagatik ezarritako bederatzi urteko zigorra. Nafarroako Lurralde Auzitegiaren arabera, 2016ko sanferminetan emakume bati egindakoa ez zen sexu-erasoa izan, sexu-abusua baizik.
Espainiako Auzitegi Gorenak izango du orain azken hitza. Akusazioen iritziz, 2016ko sanferminetan emakume bati egindakoa sexu-erasoa izan zen. Defentsaren ustez, ordea, baimendutako sexu-harremanak izan ziren.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.