Amaitu da elurragatik EAE barnealdean eta Pirinioetan ezarritako abisu horia

Elurragatik Euskal Autonomia Erkidegoaren (EAE) barnealdean eta Nafarroako Pirinioetan ezarritako abisu horia 06:00etan amaitu da da. Elurraren maila 600-700 metro inguruan egongo da egunaren hasieran, baina 1.000 metrotik gora igoko da goizean.

Eusko Jaurlaritzako Larrialdiei Aurre Egiteko eta Meteorologiako Zuzendaritzak asteazken eguerditik (12:00) hasita ezarri zuen abisu horia eta osteguneko 06:00ak arte izan da indarrean. Nafarroan, aldiz, asteazkeneko 03:00etatik osteguneko 06:00ak arte aktibatu da.

Halaber, nabigaziorako abisu horia ere egon da indarrean asteazken arratsaldetik (18:00) ostegun goizaldera arte (06:00), 3,5 metroko olatuengatik.

Ostegunean, zaparrada txiki-ertainak botako ditu isurialde atlantikoan, eta zaparrada txikiak han-hemenka gainerako tokietan; arratsaldean, atertzera egingo du. Egunaren amaieran, prezipitazio txikia egin dezake. Isurialde atlantikoan eta egunaren lehen partean, trumoi-ekaitzak jo eta txingorra egin dezake. Goizaldean, elurraren maila 600-700 metroan egongo da, ekaitz-eremuetan eta ekialdean zertxobait baxuago, eta 1.000 metrotik gora igoko da arratsaldean.

Barnealdeko zenbait tokitan, izotza ere egin dezake.