Adin txikikoak Marokotik legez kanpo ekartzen zituzten lau talde desegin dituzte
Adin txikikoak Marokotik Espainiako kostaldera eramaten zituzten lau talde desegin ditu Guardia Zibilak. Andaluziako adin txikikoen zentroetan zeudela, handik atera eta Bilbo, Bartzelona edo Valentzia bezalako hirietara eramaten zituzten gero. Guztira, 16 atxilotu daude.
Guardia Zibilaren Zuzendaritza Nagusiak ohar batean jakitera eman duenez, atxilotu guztiak marokoar naziotasunekoak dira eta Marokon zein Gibraltarreko Eremuan aritzen ziren.
Sare hauetako buruzagiek aginduta antolatutako patera eta txalupa pneumatikoetan itsasoratzera bultzatzen zituzten adin txikikoak, batere segurtasunik gabe, eta autobus zein kamioietan ezkutatuta bidaiatzera ere bultzatzen zituzten.
Behin Iberiar penintsulara iritsitakoan, erakunde horiek adin txikikoekin eta euren senideekin harremanetan jartzen ziren eta ordain bat adosten zuten Bilbo, Bartzelona edota Valentzia bezalako hiriburuetara eramateagatik. 600 eta 800 euro artekoa zen ordaina eta dirua jaso bitartean, erakundearen esku zeuden etxebizitzetan atxikita izaten zituzten gaztetxoak, Cadizen eta Sevillan.
Sevillatik aritzen zen taldeetako bat
Iaz hasi ziren lehen taldearen inguruko ikerketa. 2018an hango adin txikikoentzako zentro batetik 253 gaztetxok alde egin zutela ikusi zuen Guardia Zibilak eta ikerketaren baitan, zentro horren inguruetan adin txikikoak jaso eta Espainiako Estatuko hainbat hiriburutara eramaten zituztela ikusi zuten.
Sare honekin lotuta, Sevillan eta Tarragonan bizi ziren lau pertsona atxilotu dituzte, atzerritarren eskubideak urratzea, legez kanpoko inmigrazioa bultzatzea eta talde kriminaleko kide izatea leporatuta.
Beste erakunde bat, Cadizen
Ikerketa horretan ari zirela, antzera jokatzen zuen beste erakunde bat ere topatu zuten. Kasu honetan Algeciras eta San Pablo de Buceite (Cadiz) artean aritzen ziren delitugileak eta han bertan bi etxe zituzten, adin-txikikoak atxikita izateko, ordaina jaso bitartean.
Lau pertsona atxilotu zituzten hemen.
Sevilla eta Bartzelona artean aritzen zen hirugarren taldea
Hirugarren taldeko lau kideak Alcala de Guadairan eta Guillenan (Sevilla) bizi ziren.
Cadizko Bornos herrian jaso, Sevillara eraman eta handik Bartzelonara mugitzen zituen haurrak.
Horiek ere delitu berberengatik atxilotu dituzte.
Laugarren erakundea ere Sevillan aritzen zen
Azkenik, Sevillako adin txikiko zentro batean zeuden gaztetxoak lekualdatzen zituen laugarren taldea ere desegin du Guardia Zibilak.
Kasu honetan ere lau pertsona atxilotu dituzte.
Zure interesekoa izan daiteke
Gizon bat hil da Oiartzungo AP-8ko zerbitzugunean izandako zirkulazio istripu batean
61 urteko gizonak furgonetarekin izan zuen istripua atzo gauean, zerbitzugune baten barruan.
Imsersoren bidaiak gaurtik aurrera egongo dira eskuragarri Hego Euskal Herriko pentsiodunentzat
Nafarrentzat gaur abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.