Plastikoarekin bildutako elikagairik ez, astebetez
Asteko erosketa egiteko ohiko zure supermerkatuan edo hipermerkatuan zaude. Erreparatu iezaiozu erosketa zerrendari, eta egin gogoeta: zenbat gauza daude plastikozko ontzian edo poltsan bilduak? Bada, bai, zerrenda amaigabea da: lekaleak, arroza, pasta (bakoitza bere poltsan sartua), ur botilak, garbigarria, xanpua, jogurta, esnea eta, azkenaldian... baita fruta eta barazkia ere: poliestirenozko azpilan jarriak eta plastikoan bilduak.
Eta orain, galdera: Ba al dago aukerarik? Akaso pentsatuko duzu zuk baduzula beste modu batera kontsumitzeko borondatea, baina elikagaien industriak, hipermerkatuak edota denda handiek ez dizutela beste hauturik uzten. Bada, akabo aitzakiak, eta ekin! Zero Waste Espainia elkarteak plastikoarekin bildutako elikagaiei boikota egiteko astea antolatu du, eta hara, astelehen honetan, ekainaren 3an, ekingo diote ekimenari.
Herritarrek, elkarrekin jardunda, gobernuen, saltoki handien eta multinazionalen erabakietan eragiteko boterea dutela uste du elkarteak. Plastikoarekin bildutako elikagaiak erosteari utzita, horren erabilera irrazionala eta gehiegizkoa gutxitzen lagunduko dutelakoan daude.
Antolatzaileek jakin badakite, boikot mugagabea proposatu izan balute, gehienok ezingo genukeela egin. Denbora eta kontzientzia behar da plastikoaren alternatibak topatzeko, eta denbora faltan ibiltzen gara ia denok. Hori horrela, astebeteko boikota planteatu dute, eskatzen duen ahalegina epe laburrekoa izanik.
Nola egin bat boikotarekin?
Zero Waste Espainiak hainbat aholku eman ditu:
- Pentsatu erosi aurretik, eta ez egin erosketa konpultsiborik. Plastikozko ontzian ez dagoen aukerarik topatzen ez baduzu eta presazkoa ez bada, erosi datorren astean.
- Aurkitu ontziratu gabe edo soltean saltzen den produktu baliokidea (badaude mota horretako produktuak dituzten denda bereziak, eta tokiko saltoki askok horren aldeko apustua egin dute).
- Eraman ontzia etxetik (tuperrak, potoa, birziklatutako arrautza-ontziak, oihalezko poltsak...).
- Eskatu txorrotako ura, eta saihestu eramateko kafea.
- Ekimenarekin bat egiten baduzu, partekatu #PlastikoariBoikota etiketapean. Sarean egindako zarata ere presio bidea da.
Hain al da garrantzitsua plastikoa murriztea?
Greenpeacek aurten emandako datuen arabera, Espainiako Estatuak plastikoen % 25,4 baino ez du birziklatzen. Gainerako % 74,6ak zabortegietan eta erraustegietan amaitzen du, baina baita erreketan, kostaldean, eta ozeanoetan ere. Urtero, 12 milioi tona plastiko heltzen dira ozeanoetara.
Talde ekologisten arabera, milioi bat itsas hegazti eta 100.000 itsas ugaztun hiltzen dira urtero plastikoen erruz. Zenbaitetan, jan egin dituztelako, beste batzuetan, katigatuta geratzen direlako.
Adituen aurreikuspenen arabera, 2050erako arrainak baino plastiko gehiago egongo dira itsasoan.
Kontinenteak ere ez daude salbu. Nazio Batuen Erakundearen arabera, plastikoen eta mikroplastikoen kutsadura ozeanoetan baino 4-23 aldiz handiagoa da kontinenteetan, tokiaren arabera betiere.
Gizakiok ere ez gaude arriskutik kanpo. Hainbat ikerketek egiaztatu ahal izan dutenez, elikagaietan mikro eta nanoplastikoak daude, eta ondorioz, gure gorputzean. Uste da pertsona batek batez beste 70.000 mikroplastiko jaten dituela urtero.
Albiste gehiago gizartea
Bost zauritu eta atxilotu bat utzi dute Torre Pachecon bart izandako istiluek
Istiluak 68 urteko bizilagun batek erasoa jaso ostean sortu dira.
EHUk astelehenean hasiko du 2025-26 ikasturterako graduko ikasleen matrikulazioa
20.638 aurre-inskripziorekin ekingo dio matrikulazio epeari. EHUk 106 gradu eskainiko ditu datorren ikasturterako, guztira 8.789 plaza. Katalogo osotik, Biomedical Engineering, osasun arloko graduak eta gradu bikoitzak dira interes gehien pizten dutenak.
Gizon bat ikertzen ari dira Artikutzako aztarnategi megalitikoan egindako kalteengatik
Inguruetan basolanak egiten ari zen ibilgailu astun bat babestutako leku batean sartu zen, eta kalte handiak egin zituen.
Loiutik abiatu dira aurtengo Euskadiko Gazteak Lankidetzan programan parte hartuko duten boluntarioak
Hainbat euskal GKE-k Bolivia, Kolonbia, Ekuador, Guatemala, Honduras, Mexiko, Peru, Ginea eta Senegalen dituzten proiektuetan parte hartuko dute. Euskadiko Gazteak Lankidetzan programak 31 urte bete ditu eta ekimenetik 2.500 gazte baino gehiago igaro dira.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxera eraman dute, epailearen esku utzi aurretik egin beharreko izapideak egitera.
Zezen batek Santo Domingon korrikalari bat adarkatu duen unea
La Palmosilla ganadutegiko zezen batek hankan zauritu du Puçol (Valentzia) herriko 27 urteko korrikalari bat. Jendeak txalo artean agurtu du zauritua, anbulantzian eraman dutenean.
Mingain urdinaren foku aktibo bat atzeman dute Arrasaten
Hala ere, gizakiok ez dugu mingain urdinaz kutsatzeko arriskurik, ez animaliekin kontaktuan egonda, ezta haragia janda ere.
Baionak igande honetan agurtuko ditu bestak, jendetza bildu ondoren
Baionako bestak ohi baino bi aste lehenago hasi ziren asteazken gauean, herriko etxeko balkoitik giltzak jaurtiz bost gau eta lau eguneko parranda abiatzeko.
Ikusi berriz uztailaren 13ko entzierroa
2025eko sanferminetako uztailaren 13ko entzierroa, Orainen.
Entzierro jendetsu eta azkarra, La Palmosillarena, une arriskutsuekin
La Palmosilla ganadutegiko zezenek entzierro azkarra eta arriskutsua egin dute uztailaren 13 honetan, sanferminetako azken-aurreko entzierroan. Orain arte zabaldutako partearen arabera, sei korrikalari zauritu dira: hiruk adarkada jaso dute (hanka batean batek, bizkarrean bigarrenak eta genitaletan azkenak), eta beste batek zauria zuen lepoan. Igandea izaki, lasterketa jendetsua izan da, eta, ondorioz, oso leku gutxi egon da korrikaldietarako, eta zezenek lasterkari asko harrapatu dituzte leku gorabeheratsuenetan, Santo Domingon, Mercaderes eta Estafeta arteko bihurgunean eta zezen-plazaren sarreran. Hala ere, bi minutu eta erditik beherako denborarekin egin dute ibilbidea. Zaurituak Nafarroako Unibertsitate Ospitalera eraman dituzte. Horietako hiruk adarkada bana zuten. Bik Santo Domingoko tartean jaso dute adarkada (batek ezkerreko hankan, beste batek perineoan), eta hirugarrenak Mercaderesen (gerrialdean). Beste batek azaleko zauri bat zuen lepoan. Puçol (Valentzia) herriko 27 urteko gizon batek jaso du adarkada hanka batean, eta pronostiko erreserbatua du. Mercaderesen, ezkerreko saihetsetan adarkada bat jaso du San Sebastian de los Reyes (Madril) herriko 22 urteko mutil batek, eta horrek ere pronostiko erreserbatua du. Atarrabiako (Nafarroa) 31 urteko gizon batek eskrotoan jaso du adarkada, eta laugarren adarkatua Olaberriko (Gipuzkoa) 19 urteko mutil bat da, lepoan zauri arina zuena. Bi zaurituk kolpeak jaso dituzte Telefonicako tartean, batek toraxean eta besteak beso batean.