Marihuana laborategi bana desegin dute Muxikan, Gatikan eta Galdakaon
Guardia Zibilak hiru marihuana laborategi desegin ditu Bizkaian; Muxikan, Gatikan eta Galdakaon, hain zuzen. Gainera, bost lagun atxilotu dituzte; batetik, droga trafikoa egotzita, eta bestetik, argindarra legez kanpo hartu izana leporatuta.
Urtarrilean abiatu zuten ikerketa Guardia Zibileko agenteek, herrialde horietan ustez marihuana landatzen eta droga trafikoan ari zirela jakin eta gero. Horrenbestez, zaintza operatiboa abian jarri zuten landareak zehatz mehatz non zeuden jakina ahal izateko.
Muxikan, esaterako, hiru solairuko baserri batean zegoen ekoizpen gunea eta horretan bi gazte bizi ziren. Marihuana erabat ezkutatu zegoen segurtasun neurri handien artean.
Gatikan, berriz, behi, eper eta oiloen abere-estalgune batean ezkutatua zegoen marihuana, 11 txakur arriskutsuren artean, zaintzaile gisa.
Hirugarren laborategia, antzemandako handiena, industria-nabe baten barruan zegoen. Guardia Zibileko agenteek lau ate blindatu zeharkatu behar izan zituzten marihuana landareak aurkitzeko.
Polizia bat, laborategira heltzeko ate blindatu bat apurtzen. Argazkia: Guardia Zibila
Hiru laborategien artean 3.000 marihuana landare baino gehiago konfiskatu dituzte, gehien bat, biltzeko prest zeuden landareak gainera. Erabat hazitako landare batek 100 eta 200 gramo arteko droga ematen du. Landareok, zenbaitetan, metro eta erdiko garaiera daukate.
Bestalde, ikerketan parte hartu duten elektrizitate konpainiako adituen arabera, argindar kopuru handia lapurtu zuten landareak argiztatzeko, 200 etxebizitzek erabiliko zuten adina.
Argazkiak: Guardia Zibila
Zure interesekoa izan daiteke
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.