La Manadako zigortuek egun batzuk soilik emango dituzte Sevilla I espetxean
La Manadako bost kideek egun batzuk soilik emango dituzte Sevilla I espetxean. Ostiralean eraman zituzten bertara, Andaluziako hiriburuko polizia-etxe nagusitik; izan ere, kartzela hori zigor laburrak bete behar dituzten presoentzako da.
Espetxe Zuzendaritzako iturriek azaldu dutenez, behin betiko zigorra betetzeko beste kartzela batera eramango dituzte. La Manadako kideek kartzela aukeratzea dute, Sevillan errotuta daudelako. Horrela, Moron de la Fronterako (Sevilla) Sevilla II kartzelara edo Huelvako espetxera eraman ditzakete.
Ostiralean Sevilla I espetxean sartu zituzten, kartzelako zuzendariak harrera egin ondoren. Horietako bi, Antonio Jesus Cabezuelo eta Antonio Manuel Guerrero, Estatuko Segurtasun Indarretako kideentzako modulu batean sartu dituzte, eta beste hirurak, Jose Angel Prenda, Angel Boza eta Jesus Escudero espetxeko ziega arruntetara eraman dituzte.
Nafarroako Lurralde-auzitegiak atxilotzeko eta espetxeratzeko agindua eman zuen ostiralean, bortxaketa egotzita Auzitegi Gorenak 15 urteko kartzela-zigorra ezarri ondoren. Espainiako Poliziak berehala atxilotu zituen.
Zigortuak etxean ziren atxiloketaren zain, Angel Boza salbu; bere burua entregatu baitzuen Sevillako polizia-etxe nagusian.
Espetxe-zigorra 9 urtetik 15 urtera igo zuen Gorenak aho batez, 2016ko sanferminetan gertatutakoa bortxaketa delitua izan zela ebatzi eta sexu-abusua baztertu ondoren, aurreko auzitegiek egin ez bezala.
Zure interesekoa izan daiteke
La Calzadako bizilagunek bitartekaritza eskatu dute, euren etxebizitzen jabe den funtsaren "abusuzko prezioen" aurrean
Sei urteko kartzela-zigorra ezarri diote gizon bati bikotekidea bortxatzeagatik eta etengabe tratu txarrak emateagatik, Nafarroan
Indarkeria matxistaren biktimei arreta integrala emateko akordioak 25 urte bete ditu
Urdako tren istripuaren biktimen aldeko hileta elizkizuna azaroaren 12an egingo dute Toledoko katedralean
Orioko Udalak Jaurlaritzari galdegin dio konpon dezala berehala duela 40 egun su hartu zuen ontziak eragindako egoera
Anderren heriotzan inplikatutako agenteei espedientea egitea baztertu duen alkatetzaren dekretua errekurritu egin dute
Horrela eragingo die trafikoari eta oinezkoei Reala-Olympique Lyon partidagatik ezarritako segurtasun dispositiboak
EITB Maratoiaren bideoklipa: "Elektrizitatea"
Duela 31.500 urteko haitzuloetako lehoi baten hezurdura osoa aurkitu dute Mendaron
