Espainiako Itzuliak hainbat gorabehera eragingo ditu Bizkaiko errepideetan
Gaur-biharretan 2019ko Espainiako Itzuliaren bi etapa igaroko dira Bizkaitik, eta, hori dela eta, Ertzaintzak dispositibo berezia jarri du abian, probaren eta, oro har, trafikoaren segurtasuna bermatzeko.
Gaur, osteguna, 12. etapa egingo da. Txirrindulariak Otxandiotik iritsiko dira Bizkaira, eta Bilbon amaituko da etapa. Hala, 15:45etik 16:45era bitartean, Arratia aldeko zirkulazioan izango du eragina etapak, batez ere N-240 errepidean, Lemoako eta Bediako herriguneetan, Urgoitiko bidegurutzeraino (N-634).
AP-8an ere izango du eragina proba honek, Usansolorako irteeran, Galdakaoko Ospitalerako sarbidean. Dena dela, larrialdietarako zerbitzuei joan-etorriak egiten utziko dizkiete, Segurtasun Sailak jakinarazi duenez.
16:00etatik 17:15era Erletxetako bidegurutzean etengo da trafikoa, bai eta Larrabetzun, Gamiz-Fikan eta Lezaman ere. Txorierriko igarobideari (N-637) dagokionez, Larrabetzuko irteerak itxita egingo dira Barakaldo-Erletxeta norabidean (14:30etik 17:00etara) eta AP-8-Barakaldo norabidean (12:00etatik 17:40ra).
Alabaina, baliteke errepideak goizeko lehen orduetatik itxi behar izatea, errepideak ixteaz arduratuko diren taldeen lanaren eta trafikoa seinaleztatzeko programazioaren arabera, Trafiko Zuzendaritzak nabarmendu duenez.
Bihar, ostirala, 13. etapa Bilbon hasiko da, San Mamesen. Bizkaiko errepideetatik, Lanestosaraino joango da, eta, hortik, Kantabriarantz zuzenduko da. Hala, 11:00etatik 13:30era A-8tik Bilbora sartzeko errepideetan izango du eragina etapak, eta San Mameseko tuneletako sarbideak itxita egongo dira, Torres Quevedorako norabidean, bai eta Bilbora Zorrotza eta Basurtu arteko errepidetik (N-634) sartzeko bidea ere.
Gainera, 12:30etik 13:30era itxi eta seinaleztatu egingo dira BI-636 errepidearen (Cadaguako korridorea) eta BI-3651 errepidearen (Zorrotza-Balmaseda) arteko sarrera-irteerak Bilbo eta Zalla artean.
Lasterketaren eragina Bilbon
Errepide bidezko trafikoan eragin nagusia gaur izango da, Bilbon, 15:30etik 18:30era. Tarte horretan, itxi egingo dira A-8tik, San Mameseko tuneletatik, eta Torres Quevedorako norabidean, Bizkaiko hiriburura sartzeko bideak, bi noranzkoetan eta Donostia nahiz Santander aldetik datozen ibilgailuentzat.
Errepidea ixteak Cadaguako korridoretik (BI-636) iritsiko diren ibilgailuei ere eragingo die. Sartzeko eta irteteko beste bideak honako hauek izango dira: Juan de Garay eta Miribilla; Bolueta-Begoña (N-634 errepideko trafikoarentzat), Ibarsusi bidegurutzea, eta Deustu (Artxandako tuneletatik).
Espainiako Itzulia iristen den orduan, N-634 errepidetik Bilbora sartzeko bidea itxita egongo da Zorrotza eta Basurtu artean, eta Basurtuko ospitalera doazen larrialdietako zerbitzuei bakarrik utziko zaie pasatzen. Termibus autobus-geltokiko sarrera-irteeretan ere izango du eragina etapak. Agirleta edo Santo Domingo gainetik Artxandara sartzeko bidea (BI-631) 12:00etan itxiko da.
Enekuritik Bilbora ezingo da sartu Arrontegi-Getxo-Asuatik eta Txorierriko igarobidetik datorren trafikoa, bidea itxita egongo baita trafikoarentzat 15:30etik txirrindulariak igaro arte. Enekuri gainetik Artxandarako bidea 12:00etatik egongo da itxita Deustutik iristen diren ibilgailuentzat.
Artxandako tuneletan, Bilbora sartzeko, ez da bidesaririk ordaindu beharko 15:30etik 18:30era bitartean.
Zure interesekoa izan daiteke
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.
Gizon baten gorpua aurkitu dute Bilboko itsasadarrean, Sestao parean
Hilotza asteazken honetako lehen orduan aurkitu dute, Galindo ibaiaren bokalean. Ertzaintzak ikerketa abiatu du, biktima identifikatu eta heriotzaren arrazoiak argitzeko.