Metro koadroko 25 litro euri zenbatu dituzte Bizkaiko hainbat tokitan
Ikasturte hasierarekin batera, udazken giroa nagusitu da. Azken orduotan erruz egin du euria eta metro koadroko 25 litro zenbatu dituzte Bizkaiko hainbat tokitan. Horrez gain, nabarmen hoztu du. Tenperatura minimoak 15 ºC-ren azpitik kokatu dira eta beroenek ez dute 17º C-ko langa gaindituko.
Bizkaian pilatu dira litro gehien: 35,8 Muxikan, 24,6 Iurretan eta 24,3 Zornotzan.
Muxikan metro koadroko 10,6 litro jaso dituzte ordubetean eta Oiartzunen, ostera, 10,5 litro, Euskalmeten arabera.
Trumoi-ekaitzak Bizkaiko kostaldean izan dira nagusiki. Esaterako, hamar minutu eskasean metro koadroko 8,5 litro zenbatu dituzte Matxitxakon eta 6,6, berriz, Bermeon.
Euriaz gain, haizea zakar ibili da eta bolada gogorrak neurtu dituzte Matxitxakon (92 kilometro orduko) edota Oiz mendian (82 kilometro orduko).
Abisu horia ezarri dute 15:00ak arte, prezipitazio handiengatik
Eusko Jaurlaritzako Segurtasun Sailak abisu horia ezarri du 15:00ak arte, prezipitazio handiengatik.
Larrialdiei Aurre Egiteko eta Meteorologiako Zuzendaritzak jakinarazi duenez, isurialde atlantikoko zenbait tokitan metro koadroko 15 litro ur baino gehiago pila daitezke ordubetean.
Giro nahasia eta ezegonkorra iragarri du Euskalmetek gaurko. Hodei trinkoak agertuko dira eta euria egingo du. Zaparradak nonahi bota ditzake, eta ekaitzak ere jo dezake, batez ere Bizkaiko eta Gipuzkoako zenbait tokitan.
Bestalde, Segurtasun Sailak abisu horia ezarri du nabigaziorako arriskuagatik, 06:00etatik 18:00etara. Izan ere, olatuak 2,5 metro ingurukoak izango dira.
Tenperaturek ere behera egingo dute nabarmen, eta tenperatura maximoak 15 eta 17 graduren bueltan ibiliko dira. Minimoak, berriz, 9 gradukoak izan dira Gasteizen, 13 gradukoak Bilbon eta 12 gradukoak Donostian.
Zure interesekoa izan daiteke
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.