Abisu horia haizeagatik eta prezipitazio iraunkorrengatik Bizkaian eta Gipuzkoan
Eusko Jaurlaritzako Segurtasun Sailak haizeagatik kostaldean ezarritako abisu horia indarrean izango da gaur, ostirala, 21:00ak arte. Halaber, itsasertzeko arriskuagatik lehen bi milietarako ezarritako alerta laranja 18:00ak arte luzatuko da. Izan ere, bost metrorainoko olatuak espero dira. Ordu horretan, alerta egoera abisu horira jaitsiko da, larunbateko 06:00ak arte.
Horrez gain, beste abisu hori bat ezarri dute Bizkaian eta Gipuzkoan, prezipitazio iraunkorrengatik, eta larunbateko 06:00ak arte egongo da indarrean. Isurialde atlantikoko zenbait lekutan, baliteke metro koadroko 60 litro baino gehiago pilatzea 24 orduan. Iragarpenaren arabera, euri txiki-ertaina egingo du, ugaria eta iraunkorra izango da, eta zaparradak handiak izan litezke zenbait lekutan. Gainera, baliteke trumoi-ekaitzak jotzea eta txingorra egitea.
Ostiral honetan, zerua lainotuta egongo da, eta euria gogotik botako du. Horren harira, Euskalmetek esan du zenbait lekutan zaparrada handiak izan daitezkeela, eta litekeena da trumoi-ekaitzak jotzea, txingorrarekin batera. Elur-kota 800-900 metroan kokatuko da goizaldean, baina 1.000-1.200 metroan kokatuko da egunak aurrera egin ahala. Ondorioz, mendi-gailurretan izotza egingo du. Eguneko beste protagonistetako bat haizea izango da: bolada oso gogorrak izango ditu, batez ere kostaldean eta bereziki eguerditik aurrera, eta itsaso zakarra eragingo du.
Larunbatean, ordea, prezipitazio ahulagoak izango dira, baina euria egiten jarraituko du. Goizean, ostarte txikiak zabalduko dira, batez ere barnealdean. Gainerako orduetan, zaparradak tartekatuko dira, eta mardulagoak izango dira arratsaldetik aurrera, kostaldean bereziki. Halaber, mendebaldeko haizea bizi ibiliko da, baina ez du ostiraleko indarrik izango. Halaber, tenperaturak apur bat gora egin lezake, hego-mendebaldeko haizea ibiliko baita. Elur-kota 1.300-1.400 metroan kokatuko da, eta 1.000 metrora jaitsiko da azken orduetan.
Bestalde, igandean, A10eko hauteskunde orokorrak egingo diren egunean, eguraldi ezegonkorra espero da. Txarrera egingo du berriro, eta zaparradak ugariak eta etengabeak izango dira, batez ere Kantauri aldean, eta ekaitzak eta txingor pixka bat izango dira tarteka, goizean gehienbat.
Gainera, ipar-mendebaldeko haizea zakar ibiliko da, eta bolada gogorrak izango dira kostaldean eta mendi inguruetan. Ziertzoak bizi joko du, tarteka gogor. Tenperatura maximoak jaitsi egingo dira, eta kostaldean ez dira 12 ºC-ra iritsiko. Barnealdean, berriz, 9 ºC-ra iritsiko dira. Elur-kota 1.000 metro inguruan kokatuko da.
Nafarroan, AEMET Estatuko Meteorologia Agentziak hiru abisu hori ezarri ditu ostiralean: elurragatik, Pirinioetan; euriagatik, isurialde atlantikoan; eta haizeagatik, Erriberan.
BIDEOA | Elurra iritsi da Nafarroako Pirinioetara
Albiste gehiago gizartea
Pradalesek Euskadiren eta Boiseren arteko lotura estrategikoa eta kulturala aldarrikatu du
Lehendakari gisa Jaialdira egin duen lehen bisitan, Imanol Pradales hunkituta agertu da euskal diasporak Idahon egin dion harrerarekin. Jaialdiak kulturaren, ekonomiaren eta erakundeen zubi gisa duen zeregina aldarrikatu du, eta energia, teknologia eta goi-mailako hezkuntza bezalako arlo gakoetan egindako akordioak nabarmendu ditu.
Chillida Leku aire zabaleko zinema bihurtuko da udako hiru gauetan
Museoak film independenteak proiektatuko ditu hurrengo ostegun, ostiral eta larunbatean, eskulturen eta naturaren artean, piknik eta guzti.
Katuentzako 61 kilo janari konfiskatu dituzte Bilboko portura iritsitako furgoneta batean
Bidaiariak "katurik ere ez zeraman", eta ez zuen EBn kontsumitzeko edo banatzeko osasun-baimenik.
Kezka nagusi kostaldean, orkak begiztatu ondoren
Lekeitioko kostaldean duela gutxi bi orka ikusi izanak kezka areagotu du. Andoni Uribe LEAKAIko presidentearekin hitz egin dugu, eta itsas animalia horietako baten erasoari nola aurre egin azaldu digu.
Beloradoko adineko lekaimeek Urduñan jarraitzeko borondatea adierazi dute
Urduñako monasteriotik kanpo eramatea dakarren edozein kautelazko edo behin betiko neurriren aurka daudela adierazi dute. Joan den astearte gauean eraman zituzten hara, Beloradotik.
Euskal kultura, hizkuntza eta nortasuna aldarrikatu dituzte Estatu Batuetatik ordezkari politikoek
Idahoko hiriburutik, euskal ordezkari politikoek euskal sustraiak babestu eta diasporarekiko loturak sendotu behar direla azpimarratu dute.
Zeledonen jaitsiera
Gasteizko jaien hasiera, zuzenean.
Normaltasuna nagusi zirkulazioan, AP-8 eta AP-1 autobideetan goizean auto-ilarak sortu ondoren
Europako iparraldetik hegoaldera errepidez egiten diren joan-etorrien bolumen handiak auto-ilarak sortu ditu euskal errepide sarean, abuztuko lehen asteburuko trafiko irteera operazioarekin batera.
Urduñako geltokian trenaren plataforma erabiltzaileen esku jartzea Renferi dagokiola adierazi du Eusko Jaurlaritzak
Eukene Bengoaren aita hainbat bidaiariren artean trenatik jaitsi behar izan zuten, Renfek uko egin ziolako plataforma zabaltzeari, sare sozialen bidez bideo batean salatu dutenez. Aldiriko tren zerbitzuen eskumena urtarriletik dago Eusko Jaurlaritzako Mugikortasun Jasangariaren Sailaren esku, baina plataforma zabaltzea ala ez Renfe enpresari dagokiola azpimarratu du Jaurlaritzak.
83 urteko gizon bat hil da Amurrioko udal kiroldegiko igerilekuetan
09:30 aldera jazo da gertaera. Sorosleak eta osasun arloko profesionalak gizona suspertzen saiatu dira, baina ezin izan dute ezer egin eta bertan hil da.