Abisu horia haizeagatik eta prezipitazio iraunkorrengatik Bizkaian eta Gipuzkoan
Eusko Jaurlaritzako Segurtasun Sailak haizeagatik kostaldean ezarritako abisu horia indarrean izango da gaur, ostirala, 21:00ak arte. Halaber, itsasertzeko arriskuagatik lehen bi milietarako ezarritako alerta laranja 18:00ak arte luzatuko da. Izan ere, bost metrorainoko olatuak espero dira. Ordu horretan, alerta egoera abisu horira jaitsiko da, larunbateko 06:00ak arte.
Horrez gain, beste abisu hori bat ezarri dute Bizkaian eta Gipuzkoan, prezipitazio iraunkorrengatik, eta larunbateko 06:00ak arte egongo da indarrean. Isurialde atlantikoko zenbait lekutan, baliteke metro koadroko 60 litro baino gehiago pilatzea 24 orduan. Iragarpenaren arabera, euri txiki-ertaina egingo du, ugaria eta iraunkorra izango da, eta zaparradak handiak izan litezke zenbait lekutan. Gainera, baliteke trumoi-ekaitzak jotzea eta txingorra egitea.
Ostiral honetan, zerua lainotuta egongo da, eta euria gogotik botako du. Horren harira, Euskalmetek esan du zenbait lekutan zaparrada handiak izan daitezkeela, eta litekeena da trumoi-ekaitzak jotzea, txingorrarekin batera. Elur-kota 800-900 metroan kokatuko da goizaldean, baina 1.000-1.200 metroan kokatuko da egunak aurrera egin ahala. Ondorioz, mendi-gailurretan izotza egingo du. Eguneko beste protagonistetako bat haizea izango da: bolada oso gogorrak izango ditu, batez ere kostaldean eta bereziki eguerditik aurrera, eta itsaso zakarra eragingo du.
Larunbatean, ordea, prezipitazio ahulagoak izango dira, baina euria egiten jarraituko du. Goizean, ostarte txikiak zabalduko dira, batez ere barnealdean. Gainerako orduetan, zaparradak tartekatuko dira, eta mardulagoak izango dira arratsaldetik aurrera, kostaldean bereziki. Halaber, mendebaldeko haizea bizi ibiliko da, baina ez du ostiraleko indarrik izango. Halaber, tenperaturak apur bat gora egin lezake, hego-mendebaldeko haizea ibiliko baita. Elur-kota 1.300-1.400 metroan kokatuko da, eta 1.000 metrora jaitsiko da azken orduetan.
Bestalde, igandean, A10eko hauteskunde orokorrak egingo diren egunean, eguraldi ezegonkorra espero da. Txarrera egingo du berriro, eta zaparradak ugariak eta etengabeak izango dira, batez ere Kantauri aldean, eta ekaitzak eta txingor pixka bat izango dira tarteka, goizean gehienbat.
Gainera, ipar-mendebaldeko haizea zakar ibiliko da, eta bolada gogorrak izango dira kostaldean eta mendi inguruetan. Ziertzoak bizi joko du, tarteka gogor. Tenperatura maximoak jaitsi egingo dira, eta kostaldean ez dira 12 ºC-ra iritsiko. Barnealdean, berriz, 9 ºC-ra iritsiko dira. Elur-kota 1.000 metro inguruan kokatuko da.
Nafarroan, AEMET Estatuko Meteorologia Agentziak hiru abisu hori ezarri ditu ostiralean: elurragatik, Pirinioetan; euriagatik, isurialde atlantikoan; eta haizeagatik, Erriberan.
BIDEOA | Elurra iritsi da Nafarroako Pirinioetara
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.