La Manadako lau kideek ez dute deklaratu nahi izan, 'Pozoblanco' auziagatik
Cordobako Pozoblanco herrian 21 urteko neska bati ustez egindako sexu-abusuak eta intimitatearen aurkako delitua egotzita epaituak izaten ari diren lau kideek ez dute deklaratu nahi izan. Lau gizon horiek 2016ko sanferminetan 18 urteko emakume bat bortxatzeagatik kondenatuak izan ziren jada.
Hala adierazi dute Luis Javier Santos Cordobako 1 zenbakiko Epaitegiko epailearen aurrean, euren buruak "errugabetzat" jo ostean. Bien bitartean, lau auzipetuek grabatutako bideoa baliogabetu ala ez epai egunera arte atzeratzea erabaki du epaileak.
Alfonso Jesus Cabezuelo, Jose Angel Prenda, Antonio Manuel Guerrero eta Jesus Escudero La Manadako taldekideei delitu horiek egotzi dizkie fiskalak, eta zazpi urteko espetxe-zigorra eskatu du horietako bakoitzarentzat.
Akusatuak Alcoleako presondegira (Kordoba) eraman dituzte, astelehen honetan hasi eta ostegunera arte epaituko dituztelako.
Sanferminetako sexu-erasoagatik 15 urteko espetxe-zigorra ezarri zioten bakoitzari, eta auzi horren harira abiatu zuten Pozoblancoko ikerketa.
Akusatuetako baten telefono mugikorrean, WhatsApp talde batean partekatutako bideo bat aurkitu zuten. Kordobako neska bat ageri zen bertan, konorterik gabe, kotxe baten atzeko partean eserita, Alfonso Jesus Cabezuelo eta Jesus Escuderoren artean, Antonio Manuel Guerrero eta Jose Angel Prenda aurrealdean zeudela, eta akusatuek "sexu-ukituak" egin zizkiotela ikusten zen.
Fiskalaren idatzia
Fiskalaren arabera, 2016ko maiatzaren 1ean Torrecampoko (Kordoba) azokan egon ziren lau akusatuak, eta bere lagunekin zegoen biktimarekin batu ziren. Edaten ibili ziren, hizketan, eta, 07:15 aldera, Pozoblancora eramateko gonbidapena egin zion Alfonso Jesus Cabezuelok neskatoari. Biktima "konorterik gabe" geratu zen orduan, eta oraindik ez dute argitu alkoholagatik edo substantzia estupefazienteren bat eman ziotelako gertatu zen. Handik aurrera gertatutako guztia ez du gogoratzen.
Bideoan ikus daitekeenez, akusatu guztiek "sexu-ukituak" egin zizkioten neskari auto barruan, eta, "biktimak jakin edo oniritzia eman gabe baina beste guztiek adostuta", Jose Angel Prendak Antonio Manuel Guerreroren telefono mugikorra hartu eta erasoa grabatu zuen.
Gaztearen "intimitatea urratzeko asmoz", irudi horiek La Manada izeneko WhatsApp taldera bidali zituzten, lau akusaturen eta beste hiru pertsonaren taldera. Gainera, Jose Angel Prendak berak WhatsAppeko hainbat taldetan zabaldu zuen bideoa.
Pozoblancora iritsi zirenean, akusatuetako hiru autotik jaitsi ziren, eta Alfonso Jesus Cabezuelok argitu gabeko leku bateraino eraman zuen gaztea. Hura esnatu zenean, "felazio bat egiteko" eskatu zion Cabezuelok, eta, biktimak ezetza eman ostean, aurpegian jo zuen eta kotxetik bota zuen, bultzaka.
Bideo horiek 2016ko irailean eman ziren ezagutzera, Iruñeko bortxaketaren ikerketaren harira. Orduan izan zuen Pozoblancoko biktimak jazotakoaren berri, eta horrek "trauma osteko estresa" eragin zion.
Sexu-abusuengatik hiru urteko kartzela-zigorra eskatu du fiskalak akusatu bakoitzarentzat, eta laukoa, intimitatearen aurkako delitu batengatik. Gainera, Cabezuelori 720 euroko isuna ezartzeko eskatu du fiskalak, lesio delitu arina leporatuta.
Zure interesekoa izan daiteke
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.