Juan Larreta, desgaitasunen bat dutenen plazak 'okupatzen' dituztenen akuilu
Juan Larreta nafarrari esklerosi anizkoitz progresiboa diagnostikatu zioten 2007an eta azken urte honetan, desgaitasunen bat dutenen aparkaleku plazak 'okupatzen' dituztenen akuilu bihurtu da. Gizalegearen kontrako jarrera hauek dituztenak salatzeko, "Okupas motorizados" ekimena jarri zuen martxan duela urtebete, eta, denbora tarte horretan, 2.500 argazki jaso ditu.
51 urteko nafarra eskubaloiko atezain izan zen gaztetan eta Iruñeko San Antoniorekin Asobal Ligan ere jokatu zuen. Horregatik, diagnostikoa kolpe gogorra izan zela berarentzat kontatu du EFE agentziari emandako elkarrizketan. Urteek aurrera egin ahala okerrera egin du bere osasun egoerak eta iaz lana utzi behar izan zuen. Orduan konturatu zen, hain zuzen ere, zenbat jendek erabiltzen dituen gaizki edo modu iruzurtian, elbarrientzako erreserbatutako aparkatzeko lekuak.
Plaza hauek zein diren eta zeinentzat diren berehala ikusten den arren (gurpildun ahulki baten irudia agertzen da fondo urdin baten gainean), plaza horietan ibilgailu mota asko aparkatuta ikusi dituela salatu du Larretak, eta ez pertsona partikularrenak bakarrik, baita paketeria enpresenak, banatzaileenak, obretako makinak...
Desgaitasun txartelik izan gabe, txartela iraungita izanda, eta are larriagoa dena, txartela faltsifikatuta duten gidariak ere atzeman ditu Larretak urte honetan. Iruñeko Udalak 100 txartel erretiratzen ditu urtero, adibidez, arrazoi hauengatik.
Ekimenaren jatorria: Guardia Zibilaren auto bat horrelako plaza batean aparkatuta ikustea, merkatalgune batean
Orain urtebete lagun batek argazki bat bidali zion; bertan, Guardia Zibilaren auto bat agertzen zen, merkatalgune bateko desgaituentzako plaza batean aparkatuta. Argazkia birala egin zen eta komunikabide guztietan agertu zenean, Larretari salaketa horren bideari jarraipena ematea ote zitzaion. Juan Arconada @j_arconada izengoitiarekin kontuak ireki zituen Twitter eta Facebooken, "Okupas Motorizados" lelorekin, eta arau-hausleen argazkiak jasotzen hasi zen.
"Txartelik gabe aparkatzen zuen jendearekin hasi ginen, oso erraza baita detektatzeko, baina hilabete gutxian konturatu ginen askok gezurrezko txartelak, iraungitakoak, hildako pertsonenak, fotokopiak.... erabiltzen zituztela" kontatu du eta jende askok "fede txarrez jokatzen" duela ere salatu du.
270 pertsonak 2.500 argazki bidali dizkiot lehen urte honetan. Askotan, argazkia bidaltzen diotenek Poliziari ere deitzen diote argazkia ateratzearekin batera, eta auto horien jabeek 200-300 euro arteko isuna jasotzen dute.
Desgaituentzako aparkaleku plazak ez direla inolako "pribilegioa" gogoratzen du Larretak: "Nik ez daukat txartel hau izateko ilusio berezirik" eta egiten duena kritikatzen dutenei argi erantzuten die: "Zure hankak hartuko nituzke nire txartelaren truke".
Izan ere, arau-hausle horiek "gure lekuan jarriko balira, ez lukete hor aparkatuko" dio nafarrak. "Gogorra da bizitza elbarritasunen bat duzunean, eta plaza hauek pixka bat errazten dizute bizitza, bestela iritsiko ez zinatekeen tokietara irits baitzaitezke. Plaza horiek guri kentzea sinestezina egiten zait".
Dena dela, gustura emango luke amaitutzat ekimen hau, horrek jendeak ez duela jada horrelakorik egiten esan nahiko bailu: "Zenbat eta lehenago desagertu gu, orduan eta hobeto. Ea iristen den jendeak erabilera okerra egiteari uzten dion eguna eta inork jada argazkirik atera ezin dezakeen eguna" dio.
Zure interesekoa izan daiteke
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.