Euskadi Fitur 2020 azokan izango da, iraunkortasuna oinarri hartuta
Urtero bezala, Euskadi Fitur 2020 Nazioarteko Turismo Azokan izango da, urtarrilaren 22tik 26ra bitartean, Madrilen. Aurten, material birziklatuekin eta ekologikoekin egindako stand zabala izango du, euskal baliabide turistikoen hiru dimentsioko irudiak dituela apaingarri.
"Gune jasangarria eta arduratsua izango da, Basquexperience ekimenaren irudi eta izaera berria aintzat hartzen dituena, bertako forma kurbatuetan eta eskultura moduan aurkeztutako gure baliabideen hiru dimentsioko erreprodukzioekin", azaldu du Sonia Perez Turismo, Merkataritza eta Kontsumo sailburuak.
Euskadiren gunean, aurkezpen ugari egingo dira, erosketa-turismo arduratsua, Gipuzkoako turismo-marka berria, enoturismoa Bilbo Bizkaian, BH Bide Handia, Pasaiako II. Itsas Festibala, Topic museoa, Euskadiko Ekoturismoaren III. Foroa, Gasteizko enbaxadoreak, Araba inklusiboa, kirol-turismoa, Balmasedako putxerak eta Basquetxok txokolate-jaialdia, besteak beste.
Aurkezpen horiez gain, ardoa, txakolina, sagardoa eta gazta dastatzeko saioak egongo dira, baita musika eta magia emanaldiak ere.
"Azken batean, Euskadiren postal bat sortu dugu, gu garenaren erakusgarri: ingurune atsegin, iraunkor, dibertsifikatu bat, gure benetakotasunarekin eta tradizioekin bat egingo duen berrikuntzaren eta sormenaren irudi berri batekin", azaldu du sailburuak.
Testuinguru horretan, eta abenduko datuen faltan, urtarriletik azarora arteko bisitarien datua "positiboa" izan dela nabarmendu du Perezek; izan ere, 3,5 milioitik gora bisitari izan ditu Euskadik, eta urtea 3,8 milioi turista ingururekin amaitzea espero dute.
"Hazkunde iraunkorra eta jasangarria ahalbidetzen duen turismo-eredua sendotzen duten ildoak lantzen jarraituko dugu: egiturazko apustu dibertsifikatuak, balio erantsia areagotzen dutenak eta Euskadiko hiri eta herri gehiagotan lurralde-banaketa eta negozio-aukerak zabaltzen laguntzen dutenak", esan du Turismo, Merkataritza eta Kontsumo sailburuak.
Ildo horretatik, azokek sektore profesionalarentzat "gero eta garrantzi handiagoa" dutela nabarmendu du Perezek, "beste herrialde batzuetako eragile eta operadoreekin lan-harremanak eta etorkizunerako planak ezartzeko aukera direlako". Hala, enpresen lan-eremuak lehentasunezko gune bat izango duela esan du, eta, beraz, leku gehiago izango duela.
Halaber, gaurko aurkezpenean, Harkaitz Millan Basquetourreko zuzendariak urtarrilaren 22an, 12:30ean, hasiko den azoka honetako lan-agendaren nondik norakoak azaldu ditu. Euskadiko standaren inaugurazioan, euskal erakunde, enpresa eta erakundeen ordezkariek parte hartuko dute.
Zure interesekoa izan daiteke
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian kasuek gora egin ostean erabaki zuten Jaurlaritzak eta Nafarroako Gobernuak abelburuen mugikortasuna mugatzea eta behi erakusketak, idi probak eta sokamuturra bezalakoak debekatzen zituen agindua.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.