Albiste dira

Gizon bat zauritu da N-240 errepidean, auto batek eta kamioi batek talka eginda

Larrialdi zerbitzuek 09:00ak aldera jaso dute abisua, eta zauritua helikopteroz eraman dute Gurutzetako Ospitalera, larri. Istripuaren ondorioz, auto-ilarak sortu dira inguruan.

Auto batek eta kamioi batek aurrez aurreko talka izan dute Zeanurin. Argazkia: @BomberosBizkaia

eitb.eus

2020/02/05 - 11:44

Azken eguneratzea

2020/02/05 - 12:16

Gizon bat larri zauritu da asteazken honetan N-240 errepidean, Zeanuri parean (Bizkaia), kamioi batek eta auto batek aurrez aurre talka eginda, Eusko Jaurlaritzako Segurtasun Sailak jakitera eman duenez.

Larrialdi zerbitzuek 09:00ak aldera jaso dute abisua, eta suhiltzaileak lekura hurbildu dira. Bidaiari bat Gurutzetako Ospitalera eraman dute, helikopteroz, larri.

Halaber, errepidea bi noranzkoetan itxi dute, eta auto-ilarak sortu dira inguruan. Une honetan, txandakako zirkulazioa ematen ari dira, Trafiko Zuzendaritzak jakinarazi duenez.