Hezkuntza publiko osoan euskaraz ikasi ahal izatea eskatu dute milaka lagunek Iruñean
"Euskara eskubidea, ni mas ni menos" lelopean, manifestazio jendetsua egin dute gaur arratsaldean Iruñean, Nafarroako zenbait erakunderen "euskarafobia" salatzeko eta hezkuntza publikoan euskaraz ikasi ahal izatea defendatzeko, bai Nafarroa osoan baita hezkuntza ziklo guztietan ere.
Euskararen aldeko hainbat kolektibok eta guraso talde batek deituta, 17:00etan abiatu da martxa Iruñeko Golem Zinemetatik. 5.000 pertsonak hartu dute parte antolatzaileen arabera, eta 3.000k Espainiako Gobernuaren Nafarroako ordezkaritzaren arabera.
Guraso eta haurrez gain, protestan izan dira Geroa Bai, EH Bildu eta Podemos Nafarroa koalizio eta alderdiak; ELA, LAB, ESK eta STEILAS sindikatuak; eta kultur arloko hainbat eragile.
Manifestazioaren buruan, haur-aulkitxoz osatutako bi zutabe. Haurrek, eserita, eta globo gorriak eskuan zituztela, ireki dute martxa, gurasoek aulkitxoei bultza egiten zieten bitartean. Pankarta nagusiaren atzetik, beste hainba pankarta txikiago eraman dituzte, eta "Nafarroa euskaraz" izan da lelo nagusia.
Iruñean ikusi den pankartetako bat. Argazkia: EFE
Iruñea zeharkatu eta Sarasate Paseora iritsitakoan, agiria irakurri dute, euskaraz eta gaztelaniaz, hainbat gurasok eta UPNAko ikasle batek. Hala, 70eko hamarkadan lehen ikastolak martxan jarri zirenetik egoerak onera egin duen arren, oztopoek hor jarraitzen dutela salatu dute.
"Euskaraz eta euskara modu eroso batean bizitzeko aukera izan nahi genuke" esan dute, gure "eskubidea" baita. Nafarroa osoan, eta hezkuntza maila guztietan (haur eskoletan, derrigorrezko hezkuntzan, lanbide heziketan eta unibertsitatean) euskaraz ikasi ahal izatea erreibindikatu dute.
Nafarroako Gobernuaren ardura dela nafar guztien hizkuntza eskubideak bermatzea gogorarazi dute, ezin dutela inor "bigarren mailako herritar gisa" tratatu eta bide hori jorratzeko deia egin dute.
Ildo horretan, azken garaiotan izan diren "euskararen aurkako erasoak" salatu dituzte. "Batetik, Iruñeko Udalak erdira jaitsi nahi ditu euskarazko haur eskolak, eskaintza gehiegi dagoela argudiatuz, datuek argi uzten dutenean euskarazko plaza guztiak bete egiten direla".
Bestalde, "Nafarroako Gobernuaren Hezkuntza departamentuak iragarri du ez duela D eredua eskainiko Mendigorrian, eskaria badagoen arren. Eta departamentu berberak ez du onartu Castejongo ikastetxea PAI eredutik irten eta D eredua eskaintzen hastea. Hori gutxi balitz, aurtengo matrikulazio kanpainan, Nafarroako Gobernuak ez du laguntzarik eman D ereduaren aldeko kanpainan" azaldu dute.
Iruñean ikusi den pankartetako bat. Argazkia: EFE
Euskarazko zonaldean ere arazoak daudela nabarmendu dute: "Sakanan, adibidez, arazoak daude lanbide heziketa euskaraz ikasteko" eta gauza bera Nafarroako Unibertsitatean ere.
Egoera hau salatzeko egiten ari diren ekimenen baitan, Mendigorriako familiak Nafarroako Parlamentuko Hezkuntza Batzordera joango dira martxoaren 5ean.
Zure interesekoa izan daiteke
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian. Imanol Pradales lehendakaria ere bertan egon da.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.