Euskal Herriko marea morea, herriak eta hiriak hartu ditu aurten ere
Emakumeen eskubideen eta benetako berdintasunaren aldeko borrokak hitzordu garrantzitsua du igande honetan, martxoak 8, Emakumeen Nazioarteko Egunaren harira, eta Euskal Herriko Mugimendu Feministak, aurten ere, azken bi urteotan erakutsi duen indarra azaldu du. Emakumeen papera eta aldarrikapen feministak agenda politikora eraman nahi dituzte, ez bakarrik gaur, urte osoan baizik.
Hori dela eta, Euskal Herriko herri eta hiri guztiek, oro har, ekitaldiak prestatu dituzte, manifestazioak, gehienbat, baina baita jai-giroan egingo dituzten bestelako ekitaldiak ere. Hona hemen deialdi nagusien zerrenda, lurraldeka:
Bizkaia
Bizkaian, ekitaldi nagusiak hiriburuan izango dira. Bilboko Jesusen Bihotzaren plazatik, 13:00etan, martxa abiatuko da eta jarraian, herri-bazkaria egingo dute. Arratsaldean, aldarrikapena jai-giroan egingo dute, Areatzan hasiko den kalejira batekin, alegia.
Dena dela, Bizkaiko udalerri anitzek ere euren elkarretaratze propioak deitu dituzte, tartean, Arrigorriagan, Gernikan, Durangon, Bermeo, Ermuan, Barakaldon eta Leioan. Ezagutu hemen elkarretaratze guztien lekuak eta orduak.
Gipuzkoa
Gipuzkoako hiriburuan, Donostian, aldiz, bi martxa antolatu ditu Mugimendu Feministak, bata goizean eta bestea, ordea, arratsaldean: lehenengoa, 12:00etan, Alderdi Ederretik abiatuta; bigarrena, 18:00etan, Boulevardetik.
Gipuzkoako gainerako udalerrietan ere martxak deitu dituzte (hona hemen zerrenda osoa). Hainbat udalerritan, gainera, Eskoriatzan, adibidez, egun oso egitaraua prestatu dute, aldarrikapena eta jaia uztartuz: gosaria, martxa, herri-bazkaria, mahai-inguruak…
Araba
Arabako Mugimendu Feministak ekitaldi ugari antolatu ditu Emakumearen Nazioarteko Eguna dela eta. Izan ere, egunak daramatza data ospatzen, kontzertuekin, bazkariekin eta Artium Museoan izandako omenaldiarekin, besteak beste. Martxoak 8 honetarako ere ekitaldiek ez dute etenik izango Gasteizen: goizean goiz hasiko dira Loma Jeneral plazan izango den topaketarekin eta giza-kate feminista batekin. Manifestazio nagusia 17:30ean izango da, San Anton plazan.
Arabako gainerako udalerrietan ere protestak aurreikusi dituzte, hala nola, Amurrion, Agurainen, Kanpezun, Laudion… Hona hemen Araban izango diren ekitaldi guztien zerrenda.
Nafarroa
Iruñean bi manifestazio prestatu dituzte martxoaren 8aren harira: bata, goizean, 12:00etan, Gaztelu Plazatik abiatuko dena; bigarrena, Iruñerrian, 18:00etan. Nafarroako beste udalerritan ere elkarretaratzeak deitu dituzte tokiko mugimendu feministek, besteak beste, Arangurenen, Tafallan, Tuteran, Lesakan, Lizarran… Begiratu hemen Foru Erkidegoan izango diren elkarreratze guztien zerrenda.
Iparralde
Hiru lekutan bereziki izango dira martxoak 8ko ekitaldiak: Baionan, Hendaian eta Maulen. Hiruretan izango dira manifestazioak (Baionan, 11:00etan; Hendaian, 11:30ean; Maulen, 18:00etan), eta beste zenbait ekitaldi, hala nola, kalejira eta herri-bazkaria Hendaian, eta ekitaldi kulturala Maulen.
Zure interesekoa izan daiteke
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Fiskalak ziurtatu du "hiltzeko asmoarekin" eman zizkiotela labankadak Lukas Agirreri
22 urteko kartzela zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat, eta esan du biktimak ez zeukala defentsa zauririk eskuetan.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioak parte hartuko duen baieztatu gabe dago oraindik. Bestalde, sarreren "prezio aldakorrak" salatu dituzte; hori ohikoa da NBA eta NFL ligetan.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.