Koronabirusagatik 112 telefonora ez deitzea eskatu dute larrialdi zerbitzuek

Horretarako, bi telefono prestatu dituzte: 900 20 30 50 Euskal Autonomia Erkidegoan eta 948 290 290 Nafarroan.

Eskuragarri dauden bi telefonoak dira, 900 20 30 50 EAEn, eta 948 290 290 Nafarroan.

eitb.eus

2020/03/12 - 13:13

Azken eguneratzea

2020/03/12 - 16:16

SOS DEIAKek eta Bizkaiko Suhiltzaileek mezu bat bidali dute koronabirusen sintomak dituztenek 112 telefonora ez deitzeko eskatzeko, telefono hori beste larrialdi batzuetarako prestatuta baitago.

Gogorarazi dute, beraz, COVID-19a izan dezaketenentzat egokitutako zenbakia 900 20 30 50 dela Euskal Autonomia Erkidegoan, eta 948 290 290 Nafarroan. Egoera horretarako bereziki prestatutako telefonoa da, larrialdietako zentralaren kolapsoak ekiditeko xedearekin.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Albiste gehiago gizartea

Euskal jatorriko gazte iparramerikarren talde bat Euskal Herrian dabil egunotan bisitan

16 eta 25 urte bitarteko 50 gazteak Euskadin egonaldia egiten ari dira egunotan, Ateak Ireki 2025 programaren baitan. Helburua euskara ezagutzea eta haien sustrai kulturalak hobeto ezagutzea da. Euskadin dauden bitartean, Goierriko familiekin ari dira bizitzen.