Osakidetzak bertan behera utzi ditu programatutako kontsulta eta ebakuntza guztiak
Osakidetzak bertan behera utzi ditu edo atzeratu egin ditu programatutako kontsulta eta ebakuntza guztiak, onkologiarekin edo bihotzeko arazoekin lotutako batzuk izan ezik, esfortzu guztia koronabirusaren aurkako borrokara bideratzeko eta herritarrak osasun zentroetan ez pilatzeko.
Gainera, osasun zentroetan aurrez aurreko kontsultak ahal den heinean bertan behera utzi dituzte, eta gehienak telefonoz egiten ari dira.
Araban, arnas infekzioaren sintomak dituztenek lehen arretako zentrora deitu behar dute, eta ez orain arte koronabirusaren inguruko zalantzak argitzeko zabaldutako telefonora.
Osakidetzak hiru zentro berezi prestatu ditu lurralde horretan arnas infekzioak dituztenak artatzeko, eta bertan X izpien aparatuak jarri dituzte, etxeko arretarako unitate bat antolatu dute eta desinfekzio berezia egiten ari dira.
Bizkaian eta Gipuzkoan, oraingoz, ez dute horrelako zentro berezirik prestatu, eta sintomak dituzten pertsonek lehengo telefonora deitzen jarraitu behar dute.
Arreta publikoko bulegoen itxiera
Eusko Jaurlaritzak aurrez aurreko arretarako bulego guztiak ixtea erabaki du covid-19a zabaltzea galarazteko. Neurriak Lanbideri, Zuzenean herritarren arretarako puntuei eta Hezkuntza eta Etxebizitza ordezkaritzei eragiten die, besteak beste.
Itxiera mugagabea izango da, eta administrazioan izapideak (bekak, diru-laguntzak…) egiteko epeak atzeratzea ekarriko du.
Gaurtik aurrera, herritarrak artatzeko telefonoz edo telematikoki egin beharko dute, Jaurlaritzak jakinarazi duenez.
Albiste gehiago gizartea
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Arrazismoaren aurkako kontzentrazioa Iruñean, Torre Pachecoko gertakariak gaitzesteko
Nafarroako arrazismoaren aurkako kolektiboek elkarretaratzea egin dute larunbat honetan Iruñeko Udaletxe plazan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Ostiralean Anoetan txirrindulari baten heriotzan inplikatutako autoko gidaria atxilotu dute
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte eguerdian UEMAk deituta
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela