Garraio publikoek zerbitzuaren % 100 eskainiko dute berriz
Metro Bilbaok, Euskotrenen linea orokorrak, Gasteizko tranbiak, Tuvisak, Dbusek eta Bilbobusek zerbitzuaren %100 berreskuratuko dute, Eusko Jaurlaritzako Osasun Sailak koronabirusa dela-eta gomendatutako erabiltzaileen arteko distantziei eusteko zenbait ordutan zailtasunak zeudela egiaztatu ondoren.
Euskadiko Garraio Agintaritzak prentsa ohar batean jakinarazi duenez, Euskadiko garraio publikoek astelehen honetan izan dute COVID-19 birusak eragindako murrizketen lehen laneguna. Mugikortasuna mugatu den lehen laneguna izan denez, garraio publikoak "lanerako sarbideari eta oinarrizko zerbitzuei lotutako zerbitzua eman du ia bere osotasunean".
Hori dela eta, garraiobide batzuetan, lanera sartzearekin batera, "okupazio maila altuak" izan dira. Nahiz eta puntako orduetan eskaria %50 jaitsi den eta ordu batzuetan okupazioa %30ekoa edo baxuagoa izan den, "zailtasunak egon dira Osasun Sailak gomendatutako erabiltzaileen arteko distantziak bermatzeko".
Horregatik, eta "Eusko Jaurlaritzako Osasun Sailaren gidalerroak aztertu ondoren", Euskadiko Garraio Agintaritzak garraioek maiztasunak berreskuratzea eta zerbitzuak %100ean eskaintzea erabaki du.
Modu honetan, garraio publikoaren erabiltzaileen prebentzio neurriak hobetu nahi ditu puntako orduetan ere, Metro Bilbao, Euskotrenen linea orokorra, Gasteizko tranbia, Tuvisa, Dbus eta Bilbobus lineatan. Berme guztiak bete ahal izan dituzten gainerako operadoreek baldintza berberetan mantenduko dituzte zerbitzuak, eskaintzaren %40-60ko murrizketarekin.
Azkenik, Euskadiko Garraio Agintaritzak argitu du neurria berrikus daitekeela, operadore bakoitzaren gertaera eta egoera berezien bilakaeraren arabera.
Albiste gehiago gizartea
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.