Jaurlaritzak epemugarik gabe luzatu du hezkuntza zentroen itxiera
Eusko Jaurlaritzaren Hezkuntza Sailak iragarri du ikastetxeen itxiera "luzatu" egin dutela "beste abisu bat eman arte".
Osasun krisiaren joera ikusita hartu du erabakia, eta hezkuntza komunitateari zirkular baten bitartez jakinarazi dio.
EAEn ia mila koronabirus kasu atzeman dituzte (973), eta azken 24 orduetan 208 positibo gehiago zenbatu dira, osasun krisia hasi zenetik kopuru handiena. Orain arte 40 pertsona hil dira Covid-19rekin, eta 4 azken 24 orduetan.
Osasun Sailak gomendatzen duenean irekiko dituzte berriro ikastetxeetako ateak, Cristina Uriarte buru duen Hezkuntza Sailak jakinarazi duenez. Aipatu iturriek azaldu dute neurri horrekin "data nahastea" argitu nahi izan dutela.
Izan ere, mailakatua izan zen hezkuntza zentroen itxiera. Martxoaren 10ean Gasteizko, Bastidako eta Guardiako ikastetxeak martxoaren 10ean itxi zituzten, eta martxoaren 23an, datorren astelehenean, berriro martxan jartzea aurreikusten zen.
Ondoren, neurri hori Araba osora eta Balmasedara (Bizkaia) zabaldu zuten, printzipioz, hilaren 24ra arte.
Azkenik, aurrez aurreko eskolen jarduera bertan behera geratu zen Gipuzkoan eta Bizkaian, hasiera batean martxoaren 30a arte.
Neurri horien epea egun desberdinetan amaitzen zenez, Hezkuntza Sailak nahiago izan du luzatu "beste abisu bat" jaso arte.
Irakaskuntza jarduera
Zentroetara bidalitako jakinarazpenean azaldu dute indarrean jarraitzen dutela "irakaskuntza jarduerarako" ildoak (irakasleek dagokien ordutegian egiten dute lan), eta "ikasleekiko eta senideekiko arretak".
Hezkuntza Sailetik onartu dute jakinarazpena ez dietela unibertsitateei helarazi, baina horietan ere Osasun Sailaren mende daudela.
Bestalde, Cristina Uriarteren Sailak azpimarratu du "osasun agintarien aholkuak zorrotz" bete behar direla "ahal den lasterren itzultzeko normaltasunera", eta eskerrak eman dizkio hezkuntza komunitateari "konpromiso kolektiboa eskatzen duen egoera honetan duen ulermenagatik".
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.