Ez da egia Bizkaiko ikastetxeak irailera arte itxiko dituztela
Albiste faltsuak hedatzeko modu ohikoenetako bat da ospe handiko komunikabideren batek argitaratutako berri baten itxura hartzen saiatzea, mezu okerra zabaltzeko asmoz.
Horixe gertatzen da, hain zuzen ere, WhatsApp bidez barreiatutako mezu batekin. Hala, El País egunkariak argitaratutako albiste baten itxura hartzen duen argazki bat ikus daiteke bertan, eta, albiste horren titularrean jasotzen denez, Eusko Jaurlaritzak Bizkaiko ikastetxe guztiak irailera arte ixtea erabaki du, koronabirusaren hedapena geldiarazteko neurri gisa.
Titular faltsuak honela dio: Los colegios de Bizkaia cierran hasta Septiembre.
Azpitituluan, berriz, Iñigo Urkullu lehendakariak aipatu egunkariari egindako ustezko adierazpen batzuk agertzen dira:
"Hemos tomado esta difícil decisión por el bien de nuestros jóvenes y de Euskadi" decía el lehendakari Iñigo Urkullu a nuestro corresponsal
Lehen begiratuan, badira albisteren sinesgarritasuna zalantzan jartzen duten zenbait alderdi. Horietako lehena erredakzioaren kalitatea da, ez baita oso ohikoa El País bezalako hedabide batek gaztelaniazko septiembre letra larriz idaztea, akatsa baita.
Era berean, albistea janzten duen argazkia ez dator bat helarazi nahi den informazioarekin; izan ere, Fernando Grande-Marlaska Barne ministroa ikus daiteke bertan, koronabirusaren aurkako Babes Zibilaren Koordinaziorako Estatuko Batzordearen bilera baten buru.
Egunkariaren beraren webgunean ikerketa bat egin ondoren, ustezko albistea ez da inongo bilaketaren emaitza gisa agertzen. Aitzitik, aztergai dugun albiste faltsuan agertzen den argazkiarekin bat datorren honako beste albiste hau aurkitu dugu: La política se conjura contra el coronavirus.
Egia da COVID-19 gaitzaren kutsakortasun handiari aurre egiten saiatzeko, Eusko Jaurlaritzak hartutako neurrien barruan dagoela eskolak bertan behera uztea, ez bakarrik Bizkaian, baizik eta Euskal Autonomia Erkidego osoan. Hasiera batean, neurri horrek martxoaren 30era arte iraun behar bazuen ere, asteazken honetan Hezkuntza Sailak ikastetxeen itxiera luzatzea erabaki zuen "besterik esan arte".
Hala ere, gaur-gaurkoz, ez da hartu Bizkaiko ikastetxeei zuzendutako beste neurri espezifikorik, goian aipatutakoez gain. Horrenbestez, berriro ere bulo baten aurrean gaude.
Albiste gehiago gizartea
San Joan bezperan Donostiako Konstituzio plazan nagusi izan ohi den lizarraren aurrean dantza egin du Udalbatzak
Udalbatzak, Goizaldi, Arkaitz, Eskola eta Gero Axular taldeetako dantzariekin eta Udal Txistulari Bandarekin batera, Eskudantza tradizionala dantzatu du. Behin Eskudantza amaituta, lizarrari erritua egiteko unea iritsi da. Eneko Goia alkateak lizarra ureztatu du eta, jarraian, dantzariek su eman diote.
Andres Krakenberger: "Pablo Ibarren familia itxaropentsu dago, baina tentuz"
1994an Floridan (AEB) egindako hilketa hirukoitzagatik zigortutako Pablo Ibarren defentsak lekuko berri bat duela ziurtatu du. Lekuko horrek Ibar zigortu zuten krimenaren benetako egileak diren bi pertsona identifikatu ditu, eta horrek Ibar errugabetuko luke. "Egia esaten ari dela frogatzen duten zantzu sendoak daude", ziurtatu du Andres Krakenbergerrek, Pablo Ibar Heriotza Zigorraren Aurkako Elkarteko bozeramaileak.
LEAko arduradunak lanean ari dira, suak kiskalitako instalazioak berreraikitzeko
LEAko langileek aste honetan bertan enpresarekin biltzea espero dute, bere etorkizunari buruzko xehetasun gehiago jakiteko. LEAren zuzendaritza gaur bilduko da lan-arloko abokatu batekin eta lan-ikuskaritzarekin. Arabako Foru Aldundia ere lanean ari da LEAri ahal den neurrian aurrera ateratzea errazteko.
Lau eguneko espetxe-baimena eman diote Alfonso Jesus Cabezuelori, sanferminetako bortxaketagatik zigortutako militar ohiari
Baimena emateko arrazoiak izan dira espetxean jokabide ona izan duela, Psikologiako gradua amaitu duela eta gizarteratzeko hainbat programatan parte hartu duela.
Herriak eta hiriburuak prestatzen ari dira San Juan bezpera ospatzeko, urteko gau magikoena
Suak izango diren lekuak atontzen ibili dira egunean zehar. Eguraldiaren iragarpenaren arabera, litekeena da egunaren amaieran trumoi-zaparradak botatzea. Iruditan, Donostiako prestaketak.
Beroa eta prezipitazioak direla eta, abisu horia ezarri dute astearterako EAEn
Beroagatik ezarritako abisua 12:00etatik 18:00etara egongo da indarrean. Euriagatiko abisua, berriz, 15:00etan aktibatuko da eta gauerdira arte egongo da indarrean.
Motorzale bat larri zauritu da Bidankozen, auto batekin talka egin eta aldapa batetik behera erorita
Ezbeharra igandean jazo zen, 19:45ean, NA-2130 errepideko 8,9 kilometroan. Zauritua Nafarroako Unibertsitate Ospitalera eraman zuten, femurra hautsita zuela.
Zerura begira, San Joan bezperan
Iparraldean ostarteak zabalduko dira, baina adi hegoaldean, iluntzean trumoi-zaparradak botako ditu eta.
Bederatzi pertsona zauritu dira Galdakaon, auto batek harrapatuta
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Joan jaietan. Dirudienez, ibilgailua kontrola galdu du, biribilgune batean irrist egin duelako, eta hesiaren atzean zeuden ikusleak aurretik eraman ditu.
Hainbat zauritu Galdakaon, auto-erakusketa batean
Ezbeharra Urreta auzoko San Joan jaietan gertatu da. Zaurituak Galdakaoko Ospitalera eraman dituzte; hala ere, gehienek ez dute zauri larririk, lehen informazioaren arabera.