14 atxilotu eta 562 salaketa egun batean Euskadin, konfinamendua haustea egotzita
Ertzaintzak eta Udaltzaingoek 14 pertsona atxilotu dituzte ostegun honetan, eta 562 salaketa jarri dituzte, koronabirusaren pandemiari aurre egiteko ezarritako neurriak ez betetzeagatik, Eusko Jaurlaritzako Segurtasun Sailak jakitera eman duenez.
Ohar baten bidez azaldu duenez, Ertzaintzak zortzi pertsona atxilotu ditu Bizkaian, eta beste hiru, Gipuzkoan eta Araban (Ertzaintzak bi eta Udaltzaingoak bat).
Zehazki, 248 lagun zigortu ditu Ertzaintzak; udaltzainek, berriz, 314. Lurraldeka, Bizkaian ezarri dituzte zigor gehien, 303, Gipuzkoan 174 eta Araban 85.
Ostegunean, 1.629 pertsona identifikatu dituzte guztira (aurreko egunean 2.015), horietatik 862 Ertzaintzak eta 767 udaltzaingoek, eta 2.423 ibilgailu atzeman dituzte, aurreko eguneko 6.106 ibilgailuen aldean. Atzoko egunak, ohiko egoeretan, Aste Santuko irteera-operazioaren hasiera suposatuko luke.
Albiste gehiago gizartea
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Sute bat piztu da Gasteizko LEA fabrikan, eta ke zutabe handi bat eragin du
Gamarrako industrialdeko enpresa guztiak hustu dituzte, eta ez da inor zauritu. Segurtasun Sailak herritarrei eskatu die ez hurbiltzeko eta leihoak itxita edukitzeko.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.
700 pisu turistiko kentzeko exijitu dio Eusko Jaurlaritzak Airbnb plataformari
Uztailaren 1ean, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuko dituzte.
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Bart arratsean gertatu da erasoa, 20:00etan. Biktimak zauriak ditu eskuetan eta bizkarrean.